Tags-Hasrat

gulshan-e-hasrat-o-ārzū kī jab kalī koī khulne pe aa.ī
bād-e-sarsar ne maare tamāñche is ḳhatā par ki kyuuñ muskurā.ī

sab ko hairat hai do-jahāñ māñgā
mujh ko hasrat ki aarzū kam kī

ye merā jism ki mātam sarā.e hasrat hai
maiñ is mazār se niklūñ to aur kuchh sochūñ

duniyā se haT ke ik na.ī duniyā banā sakeñ
kuchh ahl-e-ārzū isī hasrat meñ mar ga.e

tamannā-e-asar uu chashm-e-hasrat
uThā rakh ab nigāh-e-vāpsīñ par

nā-karda gunāhoñ kī bhī hasrat kī mile daad
yā rab agar in karda gunāhoñ kī sazā hai

dil ḳhūñ-shuda-e-kashmakash-e-hasrat-e-dīdār
ā.īna ba-dast-e-but-e-bad-mast hinā hai

phuul to do din bahār-e-jāñ-fazā dikhlā ga.e
hasrat un ġhunchoñ pe hai jo bin khile murjhā ga.e

sunte haiñ chamaktā hai vo chāñd ab bhī sar-e-bām
hasrat hai ki bas ek nazar dekh leñ ham bhī

ek hasrat ki maiñ huqqe kī chilam bhar kar duuñ
ek ḳhvāhish ki mirā baap khañkāre ghar meñ

'ḳhāvar' use pā lene meñ kho dene kā Dar hai
andesha o hasrat ke miyāñ ḳhaar bahut haiñ

tumheñ qarīb se dekhtā to ḳhud ko pahchānā
shuā-e-hasrat-e-dil ham pe be-asar na huī

kabhī nasīb kī bhūle se bhī sahar na huī
baġhair hasrat-o-ġham zindagī basar na huī

ḳhākistar-e-dil ko hai phir shola-ba-jāñ honā
hairat kā jahāñ honā hasrat kā nishāñ honā

ālam-e-hū dil-e-bīnā ko nazar aa.egā
hasrat o vahshat o hairat se guzar jā.eñge ham

vatan kī sar-zamīñ se ishq o ulfat ham bhī rakhte haiñ
khaTaktī jo rahe dil meñ vo hasrat ham bhī rakhte haiñ

hasrat-e-sikka-e-baḳhīl na kar
apne kashkol ko zalīl na kar

bas ho bhī chukīñ hasrat-e-parvāz kī bāteñ
phir chheḌ kisī anjuman-e-nāz kī bāteñ

kāñTe nikālne meñ hī guzrī hai zindagī
dil meñ liye hī hasrat-e-gulzār mar ga.e

hasrat hī bosa-e-lab-e-shīrīñ kī rah ga.ī
mīThā na muñh ko tere namak-ḳhvār ne kiyā