Tags-Hasrat

ai gul-e-gulshan-e-jāñ kar mujhe yak-bār nihāl
ḳhaar hasrat kā kaleje meñ salā haa.e salā

hasrat-e-dīd ne ā.īna banāyā dil ko
ain nazzāra hai nazzāre kā armāñ honā

ye tamāshā bhī mire dil ko jilā kar dekho
sham.a hasrat se jalī bar-sar-e-mahfil kyūñkar

rañg laa.ī hai hasrat-e-tāmīr
gir rahī haiñ imārateñ kyā kyā

qatroñ meñ chashm-e-tar ke tasvīr-e-dil-rubā hai
hasrat se kyuuñ na us kī jānib nazar karūñgā

bah chalā hai ashk-e-hasrat al-madad ai barq-e-yās
ye bhī ik daana hai mere ḳhirman-e-barbād kā

koī dariyā ho kahīñ jo mujhe sairāb kare
ek hasrat hai jo puurī nahīñ hone vaalī

bhiik denā to kujā kaasa bhī us ne le liyā
maiñ ab ik hasrat-zada huuñ kyā hai mujh saa.il ke paas

vo paikar hijāb yahāñ aa.e kis tarah
ham haiñ hujūm-e-hasrat-o-armāñ liye hue

yahāñ hai bekār us kī hasrat yahāñ kī vo chiiz hī nahīñ hai
kare vo rāhat kī justujū kyuuñ jo is jahān-e-ḳharāb meñ hai

agarche tirī yaad meñ ḳhush huuñ lekin
in āñkhoñ se dekhūñ ye hasrat rahī hai

ḳhār-e-hasrat bayān se niklā
dil kā kāñTā zabān se niklā

jī meñ aatā hai ki 'hātim' aaj us ko chheḌiye
muddatoñ se dil meñ hasrat gāliyāñ khāne kī hai

kahāñ tak vaqt ke dariyā ko ham Thahrā huā dekheñ
ye hasrat hai ki in āñkhoñ se kuchh hotā huā dekheñ

baaqī hai dil meñ shaiḳh ke hasrat gunāh kī
kaalā karegā muñh bhī jo dāḌhī siyāh kī

peḌ mujhe hasrat se dekhā karte the
maiñ jañgal meñ paanī laayā kartā thā

mazāroñ meñ dikhā kar ustuḳhāñ hasrat ye kahtī hai
koī pursāñ nahīñ un kā ye hai tauqīr miTTī kī

ḳhudā-ma.alūm kis kī chāñd se tasvīr miTTī kī
jo goristāñ meñ hasrat hai garebāñ-gīr miTTī kī

ai ishq sach to ye hai ki shīrīñ ne kuchh na kī
hasrat kā koh dil pe liye kohkan gayā

hādsoñ kī na aañkh khul jaa.e
hasrat-e-sogvār chup ho jā