Tags-Hasrat

hameñ piine kī hasrat hī nahīñ baaqī hai ab 'sāhil'
bujhā dī āñso.oñ ne pyaas to phir tishnagī kyoñ ho

jo jāñ-ba-lab ho hasrat-e-dīdār meñ tirī
dikhlā ke us ko jalva-e-ruḳhsār maar Daal

nigāh-e-shīsha-e-hasrat meñ qaid ho jaate
ye aur baat ki ham vaqt par nikal aa.e

har ek hasrat ye jāntā hai milegī mushkil ke baad rāhat
to baad mushkil ke bārhā yaañ paḌā hai mushkil meñ aadmī kyoñ

ek dāvat huuñ agar un ke laboñ par khelūñ
ek hasrat huuñ agar ḳhud ko mayassar aa.uuñ

hasrat ke āñsuoñ meñ tamannā kā ḳhuun hai
paanī meñ aag hai ki hai shabnam sharār meñ

yaar pahlū meñ hai tanhā.ī hai kah do nikle
aaj kyuuñ dil meñ chhupī baiThī hai hasrat merī

ba.ad marne ke bhī chhoḌī na rifāqat merī
merī turbat se lagī baiThī hai hasrat merī

aaj har fard hai ik hasrat-e-ta.abīr liye
ab ḳhayālāt ko ḳhvāboñ meñ na rakkhe koī

ye āstāna-e-hasrat hai ham bhī jānte haiñ
diyā jalā diyā hai aur salām kar liyā hai

shauq ke laa.eq banā armān ke qābil banā
ahl-e-dil banñe kī hasrat hai to dil ko dil banā

vaañ phire haiñ tarkash-e-mizhgāñ talāsh-e-said par
yaañ tirā dil tīr-e-hasrat kā nishānā hai abas

hasrat baras rahī hai hamāre mazār par
kahte haiñ sab ye qabr kisī naujavāñ kī hai

jab na kuchh bas chal sakā apnā to phir hasrat se haa.e
dekh kar muñh ko tire ik aah bhar kar rah ga.e

furqat meñ ashk-e-hasrat ham kyā bahā raheñ haiñ
taqdīr ro rahī hai parde meñ bekasī ke

ham ne to baḌh ke chuum liyā āstān-e-yār
hasrat se ham ko dair o haram dekhte rahe

apne dil meñ bhī thī ta.amīr-e-makāñ kī hasrat
apnī qismat meñ magar bādiya-paimā.ī thī

marne vāloñ kā agar saath diyā puurā kar
le janāza bhī uThā hasrat o armāñ un kā

niklegī ab na hasart-e-qatl ai nigāh-e-yās
qātil ko rahm aa gayā mujh par ġhazab huā