Tags-Hasrat

shabāb o piirī kā aanā jaanā ġhazab kā pur-dard hai fasāna
ye rah ga.ī ban ke gard-e-hasrat vo uḌ gayā ruḳh se rañg ho kar

ek hasrat pas-e-dahlīz-e-anā baiThī rahī
koī to aa ke rukā ho dar-o-dīvār lage

ḳhālī nahīñ ab dāman-e-hasrat mirā 'darshan'
ham-rāh-e-vafā mujh ko milā ishq-e-vatan bhī

hasrat hī se ham bane the goyā
aañkh uThte hī uThte mar ga.e ham

rañj-o-malāl o hasrat-o-armān-o-ārzū
jaane se ek dil ke bahut kuchh milā mujhe

ye kis dāman kī hasrat hashm-e-giryāñ le ke uTThī hai
ki dil se jo bhī mauj uTThī hai tūfāñ le ke uTThī

zauq-e-nazzāra usī kā hai jahāñ meñ tujh ko
dekh kar bhī jo liye hasrat-e-dīdār chalā

ghar meñ thā kyā ki tirā ġham use ġhārat kartā
vo jo rakhte the ham ik hasrat-e-tāmīr so hai

jin kī hasrat meñ dil-e-rusvā ne ġham khaa.e bahut
sañg ham par in darīchoñ ne hī barsā.e bahut

devtā banñe kī hasrat meñ muallaq ho ga.e
ab zarā nīche utariye aadmī ban jā.iye

dil ḳhuuñ ho shab-e-vasl bhī hasrat meñ na kyūñ-kar
dekheñ na vo ḳhalvat meñ bhī jab aañkh uThā ke

ye hāl-e-ḳhasta dekh chaman meñ bahār kā
hasrat se mere dil ke upar ḳhaar ḳhaar hai

jo hasrat-e-jalva thī kisī kī to ḳhaak uḌaa.ī na kyuuñ galī kī
hameñ lagānā thā roz chakkar idhar se jaate udhar se aate

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

kahā maiñ ne ki 'nazm'-e-mubtalā martā hai hasrat meñ
kahā us ne agar mar jaa.e to merā zarar kyā ho

baiThā ġhubār-e-hasrat-e-ta.amīr ab kī baar
shauq-e-safar kī raah meñ āvārgī ga.ī

dar-o-dīvār pe hasrat se nazar karte haiñ
ḳhush raho ahl-e-vatan ham to safar karte haiñ

yuuñ bhī hotā hai mudāvā-e-ġham-e-mahrūmī
jabr-e-sayyād bhī hai hasrat-e-parvāz bhī hai

vaqt kā sail-e-ravāñ rok hī leñge shāyad
vo jo phir milne kī hasrat meñ mile haiñ tujh se