Tags-Hasrat

zulmat-e-vaqt se kaho hasrat-e-dil nikāl le
zulmat-e-vaqt ke liye aaj kī raat aur hai

kisī ke paas dil hotā to sharh-e-dard-e-dil karte
ye hasrat rah ga.ī ham ko koī dard-āshnā hotā

merī hasrat ne oḌhī jo lafzī qabā
mere ḳhāmosh lab kā tarāna gayā

hasrat-o-yās kā amboh magar maiñ bekas
aise majme.a meñ ye aalam mirī tanhā.ī kā

aap ne bīmār-pursī kī to jiinā hai vabāl
varna marne kī mujhe hasrat kabhī aisī na thī

yaas se vīrānī-e-hasrat kabhī aisī na thī
dil meñ sannāTā na thā vahshat kabhī aisī na thī

hasrats-e-hauq kī chyūñTī dil meñ
ġham kā ambār lagā detī hai

hasrats-e-hauq ne is darja uḌaa.ī rañgat
ab jo manzar hameñ dekheñ to ThiTakte jaa.eñ

mire liye ye takalluf ye dukh ye hasrat kyuuñ
mirī nigāh-e-talab āḳhirī nigāh na thī

merī har fatah meñ hai ek hazīmat pinhāñ
har masarrat meñ hai rāz-e-ġham-o-hasrat pinhāñ

hasrat bhī aarzū bhī hai dil meñ tumhīñ nahīñ
sab kuchh hai is makān meñ lekin makīñ nahīñ

do damoñ se hai faqat gor-e-ġharībāñ ābād
tum hamesha raho ai hasrat-o-armāñ ābād

us kī hasrat meñ jo guzār diye
vo mire māh-o-sāl de koī

uñgliyāñ uThne lagīñ thiiñ hasrat-e-be-nām par
hasratoñ kā aks ab dhuñdlā huā achchhā huā

hai ek ḳhvāhish ki bahte paanī meñ jo hai muzmar
hai ek hasrat ki jo kināroñ se munfasil hai

ham samjhe the yaañ ā.eñge din thoḌā hai rah jā.eñge
par dil kī hasrat dil meñ rahī jab sū-e-makān-e-ġhair chale

fasīl-e-shashdar ke baam par ho rahī hai afshāñ
jo sham-e-sā.at jabīn-e-hasrat pe rah ga.ī thī

josh-e-vahshat meñ bhī maiñ chaḌh ke na us par dauḌā
le ga.e hasrat-e-ḳhār-e-sar-e-dīvār qadam

adam meñ hastī se jā kar yahī kahūñgā maiñ
hazār hasrat-e-zinda ko gaaḌ daab aayā