Tags-Hasrat

vahī la.al-e-lab hai ki hasrat se jis ke
jigar aaj tak ḳhuuñ hai la.al-e-yaman kā

merī nazar ne luuT liye jalva-hā-e-husn
hasrat se dekhte hī rahe dīda-var tamām

kho diyā tūl-e-shab-e-furqat ne lutf-e-intizār
dīda-e-be-ḳhvāb ko hai hasrat-e-dīdār-e-sub.h

aap ne bāñdhī hai kyuuñ talvār aaj
kyā mirī hasrat nikālī jā.egī

tere ḳhayāl se hai vo dil-bastagī mujhe
hasrat hī ab nahīñ tire dīdār kī mujhe

umr tamām kaaT dī hasrat-e-kāḳh-o-kū liye
mere tumhāre sāmne arz-o-samā bhī kyuuñ khule

ashk-e-hasrat kī agar hove madad ai zāhid
dil-e-sad-chāk ko maiñ sub.ha-e-sad-dāna karūñ

ye mausam kā taqāza aur bhīgī shab kī hasrat hai
badalnā ishq meñ hai āḳhirī pahlū zarā Thahro

ġham mujhe hasrat mujhe vahshat mujhe saudā mujhe
ek dil de kar ḳhudā ne de diyā kyā kyā mujhe

hamīñ ne jaan dī jis bāñkpan se jis qarīne se
ye hasrat rah ga.ī maqtal meñ aa kar dekhtā koī

hasrat-e-afv kyā huī jurm-o-ḳhatā ko kyā huā
sāmne hai dar-e-karam dast-e-duā ko kyā huā

tire tīr-e-hadaf kī havas thī mujhe baḌī hasrat-e-kunj-e-nafas thī mujhe
mujhe chuuk kiyā ye ġhazab ye sitam na asiir kiyā na shikār kiyā

ik ishq kā ġham aafat aur us pe ye dil aafat
yā ġham na diyā hotā yā dil na diyā hotā

māñgtā huuñ jo duā-e-vahshat
hasrat-e-ābla-pā.ī hogī

mar ga.e par bhī khulī rah ga.iiñ āñkheñ apnī
kaun is tarah muā hasrat-e-dīdār ke saath

husn-e-dilkash ise kahte haiñ ki ham saarī umr
un ko dekhā kiye dīdār kī hasrat na ga.ī

vo zarūrat se ziyāda hī farāġhat thī ki maiñ
jis meñ phirtā rahā hasrat ke nikal jaane tak

hasrat aa.egī dam meñ sau sau baar
ai havas shor-e-marhabā kab tak

hasrat-e-shām-o-sahar baiTh ke gumbad ke qarīb
in pareshān duāoñ ko sunā kartī hai