Tags-Hasrat

hisāb-e-hasrat-e-jurm-e-nazāra dil se pūchh
nazar to ek jhalak kī gunāh-gār huī

do varaq meñ kaf-e-hasrat ke do aalam kā hai ilm
sabaq-e-ishq agar tujh ko dilā yaad rahe

chashm-e-maqtūl ko dekhā to kahā qātil ne
jā.egī tā-ba-lahad saath ye hasrat terī

nakāmī-e-sad-hasrat-e-pārīna ke Dar jaa.eñ
kuchh roz to ārām se apne bhī guzar jaa.eñ

ab aise dasht-mizājoñ se duur ghar liyā jaa.e
bajā.e hasrat o girya kuchh aur kar liyā jaa.e

ḳhud ko pā lene kī hasrat meñ bahut rusvā hue
kuchh sivā rusvā.iyāñ haiñ ab shanāsā.ī ke baad

dil-lagī meñ hasrat-e-dil kuchh nikal jaatī to hai
bose le lete haiñ ham do-chār hañste bolte

paḌh ke vazīfa ishq kā us ke tum jo taḌap ke rote ho
ruuh na ho tahlīl 'sharaf' hasrat se kisī vahābī kī

ḳhat nahīñ paḌtā mere gale par tishna-e-hasrat martā huuñ
teġh tirī be-āb huī thiiñ ārzūeñ ḳhush-ābī kī

mirī parvāz kī hasrat yaqīnan zor māregī
agar uḌne lagūñ to mire bāl-o-par katar denā

vo bhī din ho ki us sitamgar se
naaz khīñchūñ bajā.e hasrat-e-nāz

hasrat-e-dīd na sharminda-e-takmīl huī
tere jalvaoñ ne kahāñ hosh Thikāne rakkhā

ham ko āñkhoñ meñ basāyā vaqt ne mānind-e-ḳhvāb
aur ham ta.abīr ho jaane kī hasrat meñ rahe

dard āshnā taa.ir chheḌ naġhma-e-hasrat
kyuuñ ḳhamosh baiThā hai ġham kī shāḳh par tanhā

sīna-e-dil meñ hujūm-e-dāġh-e-hasrat hai 'nasīm'
phuul chun lete haiñ apne gulshan-e-hāsil se ham

rashk hai hasrat pe us kī dil meñ aatā hai yahī
apne qālib ko badal leñ qālib-e-bismil se ham

koī hasrat hī ab nahīñ jī meñ
nīm-bismil ko shauq kyā terā

kabhī fāsloñ kī masāfatoñ pe ubuur ho to ye kah sakūñ
mirā jurm hasrat-e-qurb hai to yahī kamī yahāñ sab meñ hai

hasrat hai ham bhī kahte kisī din ye ai falak
ai dil mubārak aaj to dilbar baġhal meñ hai

uThe the talvār khīñch kar tum to phir ta.ammul na chāhiye thā
ki rah ga.ī mere dil kī hasrat shahīd-e-teġh-e-darañg ho kar