Tags-Hausla

zabt kā hausla bahut thā magar
us ne pūchhā to aañkh bhar bhī ga.ī

aaj phir justujū kī maut huī
aaj phir merā hausla TuuTā

hausla rakhiye maiñ sahrā se palaT ā.ūñgā
zarre zarre se mohabbat kā pata lā.ūñgā

rāheñ nikāltā hai yahī soz-o-sāz kī
pahlū meñ dil na ho to koī hausla na ho

hausla haar ga.ī tishna-dahānī 'haqqī'
ab tū mashkīza uThā aur mujhe paanī de

aks-e-ruḳh kaisā yahāñ kuchh bhī nahīñ hai dil meñ
ham ko shādāb na kar hausla tūfānī de

apnī ḳhushiyoñ meñ dūsroñ ke ġham
hausla chāhiye samone ko

hai ḳhatm hausla-mandī vajūd-e-ādam par
satīza-e-kār hai fat.h-e-ġham-e-jahāñ ke liye

ham faqat jañg hī nahīñ haare
hausla bhī bikhar gayā afsos

mire qarīb se guzre mujhe sadā bhī na de
zabāñ ko lafz nigāhoñ ko hausla bhī na de

hai ye mirā hī hausla kartā huuñ roz sāmnā
gardish-e-sub.h-o-shām kā gardish-e-jām ke baġhair

sulagtī ret pe bhī us kā hausla dekho
huī na pyaas kabhī ḳhema-zan namī ke qarīb

ye soch kar tirī mahfil se ham chale aa.e
ki ek baar to baḌh jaa.e hausla dil kā

kis meñ thī tāb-e-zaḳhm-e-shauq kis meñ thā ġham kā hausla
ham hī ye dukh uThā ga.e ham hī ye dard sah ga.e

jahāz-rāñ hunar o hausla na le jā saath
huā ke ruḳh pe agar bādbān rakhnā hai

ḳhud apnī zaat pe markūz ho gayā huuñ maiñ
ki hausla hī nahīñ tere saath chalne kā

chhin ga.ī terī tamannā bhī tamannā.ī se
dil bahalte haiñ kahīñ hausla-afzā.ī se

kyā kohkan o qais ko dete dam-e-taqsīm
hissa thā ġham-e-hausla-farsā mire dil kā

haq bolne kā hausla ab ham meñ nahīñ hai
nisbat to nikaltī rahī shabbīr se sā.īñ

ye mohabbat mujhe tāqat degī hausla degī ye himmat degī
raushnī terī nazar se le kar har añdhere se guzar jā.ūñgā