Tags-Hawa

maiñ kahāñ aur vo fasīl kahāñ
fāsle kā hī faisla huā hai

itnā masrūf ho gayā huuñ ki bas
'mīr' bhī ik taraf paḌā huā hai

aaj kuchh bhī nahīñ huā 'javvād'
haañ magar ek sāneha huā hai

is daur-e-kashākash meñ ham huuñ ki 'ziyā' tum ho
bikhre hue motī haiñ TuuTā huā rishta hai

vo sūraj jo mirā dushman thā din bhar
mujhe Dhaltā huā achchhā lagā hai

vo muḳhātab nahīñ huā mujh se
phir bhī maiñ markaz-e-ḳhitāb rahī

huā asiir koī ham-navā to duur talak
ba-pās-e-tarz-e-navā ham bhī saath saath chale

maiñ ne kahā ki dekh ye maiñ ye havā ye raat
us ne kahā ki merī paḌhā.ī kā vaqt hai

savāl aaj bhī ye lā-javāb hai 'aslam'
huā hai dil mirā ḳhāna-ḳharāb kis ke liye

allāh allāh husn kī ye parda-dārī dekhiye
bhed jis ne kholnā chāhā vo dīvāna huā

raas ab aa.egī ashkoñ kī na aahoñ kī fazā
aaj kā pyaar na.ī āb-o-havā māñge hai

dil har ik haal se begāna huā jaatā hai
ab tavajjoh na taġhāful na adā māñge hai

sahar ko niklā huuñ meñh meñ akelā kis ke liye
daraḳht abr huā bū-e-ham-rahāñ ke liye

falak ke rañg zamīñ par utārtā huā maiñ
tamām ḳhalq ko hairat se mārtā huā maiñ

do chaar saañs meñ jiitā huuñ ek arse tak
zarā se vaqt meñ sadiyāñ guzārtā huā maiñ

jo mere sāmne hai aur dil-o-dimāġh meñ bhī
chahār-samt usī ko pukārtā huā maiñ

mire nuqūsh pe kārī-garī rukī huī hai
shikasta chaak se ḳhud ko utārtā huā maiñ

tumhārī jiit meñ pinhāñ hai merī jiit kahīñ
tumhāre sāmne har baar hārtā huā maiñ

ḳhuub ḳhizāñ ko is kā pata hai hāl-e-zabūñ bhī merā judā hai
dosh-e-havā par uḌne vaale pattoñ sā behāl nahīñ maiñ

shikvoñ pe sitam aahoñ pe jafā sau baar huī sau baar huā
har baat mujhe har kaam mujhe dushvār huī dushvār huā