Tags-Hawa

saaqī kī nashīlī ā.ankhoñ se saarī duniyā saarā aalam
badmast huī badmast huā sarshār huī sarshār huā

hai naam dil-e-muztar jis kā kahte haiñ jise sab jān-e-hazīñ
marne ke liye miTne ke liye tayyār huī tayyār huā

iz.hār-e-mohabbat bhī hai ġhazab iz.hār-e-mohabbat kaun kare
hujjat un se jhagḌā mujh se har baar huī har baar huā

duniyā meñ bahār ab aa pahuñchī mai-ḳhāne kā dar bhī khul jaa.e
ek ek galī ek ek makāñ gulzār huī gulzār huā

kyuuñ rahm vo zālim karne lagā kyuuñ maut yahāñ tak aane lagī
ulfat se mirī sūrat se mirī bezār huī bezār huā

hasrat apnī armāñ apnā āzār apnā taklīf apnī
hamdard banī hamdard banā ġham-ḳhvār huī ġham-ḳhvār huā

milne se tanaffur thā jis ko āġhosh meñ ab vo sotā hai
taqdīr mirī iqbāl mirā bedār huī bedār huā

maqtal meñ jafā.eñ Dhāne par maqtal meñ jafā.eñ sahne par
qātil kī nazar bismil kā jigar tayyār huī tayyār huā

ai 'nūh' ye kyā sūjhī tum ko tūfān uThāyā kyuuñ tum ne
saarī duniyā saarā aalam bezār huī bezār huā

nahīñ hai ḳhvāb ye sach hai na e'tibār aayā
ye kyā huā ki unheñ aur mujh pe pyaar aayā

maiñ apnī raakh uḌā.ūñgā jal bujhūñgā vahīñ
mujhe bhī us kī galī meñ zarā havā le chal

mire vāste jaane kyā lā.egī
ga.ī hai havā ik khañDar kī taraf

hazār tarah ke sadme uThāne vaale log
na jaane kyā huā ik aan meñ bikhar se ga.e

kabhī vo jism huā aur kabhī vo ruuh tamām
usī ke ḳhvāb the āñkhoñ meñ ham jidhar se ga.e

jab siiñ tire mulā.em gāloñ meñ dil dhañsā hai
narmī suuñ dil huā hai tab suuñ ruī kā gaalā

ḳhushk āñkheñ liye hañstā huā dekho jis ko
us ko sahrā nahīñ kah denā samundar kahnā

jalā ke zillat-e-shab meñ hatheliyoñ pe charāġh
havā ke ruḳh ko agarche badal sako to chalo

vo sair-e-gul ke vāste aa hī nahīñ rahā
so ab vo lutf-e-āb-o-havā hī nahīñ rahā

ajiib aag lagā kar koī ravāna huā
mire makān ko jalte hue zamāna huā

kyā koī yaad tire dil ko dukhātī hai havā
sard sannāTe meñ kyuuñ shor machātī hai havā