Tags-Hawa

maiñ apne kisī ḳhvāb kī muñh-zor havā meñ
aksar hī nikal jaatā huuñ aflāk se aage

pahle gunāhgār tamāshā huī nigāh
lazzat-sharīk phir huā dil is gunāh meñ

chaḌhā huā thā vo nashsha ki kam na hotā thā
hazār baar ubhartā thā Dūbtā thā maiñ

us kī dost huā kartī thiiñ
kuchh din pahle ik daadī thiiñ

dhartī pe zindagī ke amiT e'timād ko
jī ḳhush huā hai dekh ke apne kimād ko

ḳhud miT gayā miTātā huā satvat-e-husain
tārīḳh maat de ga.ī ibn-e-ziyād ko

kuchh aisā hai ye maiñ jo huuñ ye maiñ apne sivā huuñ ''maiñ''
so apne aap meñ shāyad nahīñ vaaq.e huā huuñ maiñ

raat petrol kī aag se shahr meñ yuuñ charāġhāñ huā
kaañp kar bujh ga.iiñ dil ke raushan jharokoñ kī sab battiyāñ

havā meñ uThte rahe haath be-sabab 'mohsin'
chamak duāoñ kī tāsīr tak nahīñ pahuñchī

kis liye ḳhvāb-e-zuleḳhā tishna-e-ta.abīr hai
misr meñ shohra bahut yuuñ to huā ta.abīr kā

naaz se dekhā hai ḳhāliq ne miTāte bārhā
nāḳhun-e-tadbīr ko likkhā huā taqdīr kā

vo zaa.eñ zaa.eñ ke kitne muhīb zanāTe?
fazā kā haul havā kī vo vahshateñ har sū

kahīñ jo tasallī huā ho ye dil
vahī be-qarārī ba-dastūr hai

vahī fazā vahī gulshan vahī havā hai magar
milī jo gul ko vo ḳhāroñ ko zindagī na milī

hazār baar huā ḳhūn-e-ārzū lekin
kabhī kisī ko mirī aañkh meñ namī na milī

marte hī sunā un ko jinheñ dil-lagī kuchh thī
achchhā huā koī is āzār se ab tak

bad-ahdiyoñ meñ vaqt-e-vafāt aan bhī pahuñchā
vaada na huā ek vafā yaar se ab tak

jise bhī dekho lubhāyā huā hai duniyā kā
so bach ga.e haiñ miyāñ kaise is rakhel se ham

teġh-e-abrū señ maiñ shahīd huā
is surūhī kā kyā balā hai kaaT

panja-e-ishq ke shikanja señ
maiñ huā shash-jihat meñ baara baaT