Tags-Hawa

vo gard-bād ki dil kī zabāñ kā zā.iqa hai
nazar-ufuq pe huvaidā huā na sar meñ rahā

kyā rañg-e-zamīn-o-āsmāñ hai saaqī
utrā huā chehra-e-jahāñ hai saaqī

vo jin kī raat tumhāre hī dam se raushan thī
jo tum vahāñ se ga.e hoge kyā huā hogā

ġham-e-judā.ī meñ aisī kahāñ thī lazzat-e-dard
unheñ bhī mujh se bichhaḌne kā dukh huā hogā

kyā pūchhte ho maiñ kaisā huuñ
ik sard havā kā jhoñkā huuñ

daaġh hī daaġh ubhar aa.e mire chehre par
rañg merā ai musavvir huā bhaddā kaise

'rāhat' pas-e-murād adab guftugū rahī
phir yuuñ huā ki vo bhī bad-aḳhlāq ho gayā

bujhtā huā charāġh ye fariyād kar gayā
nafrat havā se aur charāġhoñ se pyaar kar

is qadar Duubā huā thā e'tibār-e-shauq meñ
har fareb-e-āshiyāñ ko āshiyāñ samjhā thā maiñ

zehn kī kuchh amiiq rāhoñ meñ
ḳhud ko khoyā huā sā paatā huuñ

apnī bātoñ ke zamāne to havā-burd hue
ab kiyā karte haiñ ham sūrat-e-hālāt pe baat

kuchh haqīqat to huā kartī thī insānoñ meñ
vo bhī baaqī nahīñ is daur ke insānoñ meñ

yuuñ tire dhyān se laraztā huuñ
jaise patte havā se Dar jaa.eñ

charāġh-e-shām hī tanhā nahīñ hai
havā maiñ ne bhī ghar dekhā nahīñ hai

fazā kā habs chīrtī huī havā uThe
safar meñ dhuup hai bahut koī ghaTā uThe

baḌh ke is dhund se Takrātī huī tez huā
tere milne kī koī baat kahegī shāyad

mile sard-āhoñ meñ ashk-e-ġham to sharār-o-barq meñ Dhal ga.e
ye na jaane kaise charāġh the ki havā ke ruḳh pe bhī jal ga.e

ab us kā fan to kisī aur se huā mansūb
maiñ kis kī nazm akele meñ gungunā.ūñgī

jise paalā thā ik muddat tak āġhosh-e-tamannā meñ
vahī baanī huā mere ġham o dard o aziyyat kā

kuchh dard baḌhā hai to mudāvā bhī huā hai
har-sū dil-e-betāb kā charchā bhī huā hai