Tags-Hawa

ye jī chāhtā hai ki tum ek nannhī sī laḌkī ho aur ham tumheñ god meñ le ke apnī biThā leñ
yūñhī cīḳho chillāo hañs do yūñhī haath uThāo havā meñ hilāo hilā kar girā do

koī sard chashma ubaltā huā aur machaltā huā yaad aa.e
jo ho dekhne meñ Tapaktī huī chand būñdeñ

tumheñ sarsarātī havā yaad aa.e
hameñ sarsarātī havā yaad aa.e

vo mauj-e-havā jo abhī bahne kī nahīñ hai
ham jānte haiñ aap se kahne kī nahīñ hai

jab safar kī dhuup meñ murjhā ke ham do pal ruke
ek tanhā peḌ thā merī tarah jaltā huā

maiñ ne ai dil tujhe siine se lagāyā huā hai
aur tū hai ki mirī jaan ko aayā huā hai

nau-ba-nau ek umaDtā huā tūfān thā maiñ
bahte dariyā ke liye ik yahī pahchān thā maiñ

mujhe to yuuñ lagā tarshā huā thā sho.ala koī
badan hī aisā thā kuchh pairahan hī aisā thā

siyāh-baḳht fazāoñ meñ dil huā bad-zan
tirī zabān ke tevar haiñ āb-dār abhī

patte patte se naġhma-sarā kaun hai
ai havā tere andar chhupā kaun hai

koī to zid meñ ye aa kar kabhī kahe ham se
ye baat yuuñ nahīñ aise thī yuuñ huā hogā

kis shaḳhs kī talāsh meñ sar phoḌtī rahī
sunsān jañgaloñ meñ havā chīḳhtī rahī

vo peḌ jo harā thā bahāroñ ke ba.ad bhī
hairat se us ko zard havā dekhtī rahī

us ke milne pe bhī mahsūs huā hai 'sarmad'
us ne dekhā hī na ho maiñ ne bulāyā hī na ho

mātam-kada banā hai gulistāñ tire baġhair
har gul huā hai chāk-garebāñ tire baġhair

ham jām-e-mai ke bhī lab-e-tar chūste nahīñ
chaskā paḌā huā hai tumhārī zabān kā

maiñ jā.ūñ yā na jā.ūñ unheñ le ke baam par
badlā huā hai rañg bahut āsmān kā

ḳhudā jaane nizām-e-mai-kada ko kyā huā 'shamsī'
na vo husn-e-atā baaqī na vo lutf-e-nazar baaqī

va.ada to tire aane kā hai sach hī va-lekin
baazū ke phaḌakne se huā dil ko yaqīñ aur

nafrat kā ehsās huā
jab jab shīsha dekhā hai