Tags-Hawa

gum huā jaatā hai koī manziloñ kī gard meñ
zindagī bhar kī masāfat rā.egāñ hone ko hai

kāfir-e-ishq huā jab se maiñ is dahr meñ huuñ
hai mire kufr se ye diin aur īmāñ nāzāñ

kis bharose pe maiñ Takrā.ūñ havā se 'sajjād'
gar bikhartā huuñ to atrāf meñ sab paanī hai

mire dukh kā ahd tavīl hai
mirā naam lauh-e-firāq par hai likhā huā

huā kī be-rañg taḳhtiyoñ par sadā kī tahrīr kyā ubhāreñ
sukūt ke be-nishāñ khañDar meñ charāġh-e-āvāz kyā jalā.eñ

havā kī talvār chal rahī ho to shāḳh-e-ummīd kyā sambhāleñ
badan kī dīvār gir rahī ho to dil kī dīvār kyā bachā.eñ

zāhir ye kar rahī haiñ shab-e-ġham kī nuz.hateñ
koī chhupā huā mirī tanhā.iyoñ meñ hai

is ke liye 'shakīl' ḳhizāñ kyā bahār kyā
Duubā huā jo husn kī ra.anā.iyoñ meñ hai

sāñjh aa.ī diyo din bī huā fikr meñ āḳhir
vo dil-bar-e-jādū-gar-o-sayyād na aayā

pīchhe pīchhe shahzāda biitī dāstānoñ meñ
aage aage ghoḌe ke bhāgtā huā aahū

kyuuñ na huuñ kaalī ghaTā.eñ barq-zā barsāt kī
aag paanī meñ lagātī hai havā barsāt kī

apnī ummīdoñ kī khetī hai havā barsāt kī
sāl-bhar tak māñgte haiñ ham duā barsāt kī

rūh-parvar hai bahār-e-jāñ-fazā barsāt kī
kitnī farhat-baḳhsh hai ThanDī havā barsāt kī

mere ashkoñ kī jhaḌī se paanī paanī ho ga.ī
ban na aa.ī aisī kuchh bigḌī havā barsāt kī

ḳhār-o-ḳhas mahram haiñ pur-fan garche ham rahe juuñ hubāb
ham tire ai bahr-e-husn āḳhir havā-dāroñ meñ the

ḳhanda-e-mauj mirī tishna-labī ne jaanā
ret kā taptā huā dekh ke zarra koī

merī āñkhoñ se vo sūkhā huā Dhāñcha nahīñ girtā
jism hī jism to thaa, ruuh kahāñ thī us meñ

phir yakā-yak ye huā
sārthī, rok nahīñ paayā thaa, muñh-zor samay kī Tāpeñ

sach to ye hai ki duā ne na davā ne rakkhā
ham ko zinda tire dāman kī havā ne rakkhā

tere kūche kī havā pūchhe hai ab ham se
naam kyā hai kyā nasab hai ham kahāñ ke haiñ