Tags-Hawa

use ret ret meñ khojnā use lahr lahr meñ DhūñDhnā
koī shahd sā tirā ahd thā inhī sāhiloñ pe likhā huā

na.e mausamoñ ke ḳhirām bhī na.e lams raas na aa sake
maiñ ye e'tirāf kahāñ karūñ tirā mo'tabar thā kahā huā

kisī mor-nāch kā rañg bhī tirī aañkh ko na lubhā sakā
koī zard zard sā ḳhvāb thā tirī putliyoñ meñ khudā huā

kisī aur ufuq kī sadāoñ par vo udaas guuñj chalī ga.ī
mirī jhiil aañkh na sochnā kabhī aa sakā hai gayā huā

kisī hijr-shāl kī dhajjiyāñ mujhe sauñp kar vo kahāñ gayā
vo dhanak dhanak se katā huā vo kiran kiran se bunā huā

guzarne vaalī havā ḳhud pata lagā legī
zarā sī aag kisī raakh meñ dabā dī jaa.e

un ke aane se huā masrūr maiñ
zindagī kī mehrbānī ho ga.ī

ho ga.e āñgan judā aur rāste bhī baT ga.e
kyā huā ye log kyuuñ ik dūsre se kaT ga.e

raat ko jab bhī aañkh khulī hai
mujh ko yuuñ mahsūs huā hai

Thahre paanī meñ girā sañg ravānī koī
chāhiye taaza huā ruuh kī gahrā.ī meñ

ḳhāna-e-dil kī tarah saarī fazā hai ki nahīñ
kis ko ma.alūm ki bāhar bhī havā hai ki nahīñ

jashn barpā to huā thā dam-e-ruḳhsat lekin
vahī hañgāma mire ba.ad bapā hai ki nahīñ

'munīr' ābād shahroñ ke makīnoñ kī havā le kar
havā.eñ duur tak jaatī haiñ kam ābād shahroñ meñ

mujhe sambhāl mirā haath thaam kar le jā
thakā huā huuñ ka.ī din kā mujh ko ghar le jā

giraft-e-gul se nikal kar bikhartā jaatā huuñ
mujhe havā ke paroñ meñ sameT kar le jā

maiñ ḳhaak bhī huā na ga.ī par kashīdgī
ġhusse vahī rahe mire dāman-kashīda ke

baḌī ghuTan hai charāġhoñ kā kyā ḳhayāl karūñ
ab is taraf koī mauj-e-havā nikal aa.e

kaash us but ko bhī ham vaqf-e-tamannā dekheñ
barf kī sil se nikaltā huā sho.ala dekheñ

jehl kā saaya qad-āvar jab huā
khoTe sikke har taraf phir chal ga.e

is sabab maiñ jañg shāne se karūñ huuñ baar baar
dil huā hai gum mirā us kākul-e-pechāñ ke biich