Tags-Hawa

havas hai ishq kī ahl-e-havā ko ham to miyāñ
sune se naam mohabbat kā zard hote haiñ

tanhā udaas kamre meñ baiThā huā thā maiñ
ik lafz ne bikher diye mushk o za.afrān

sabt kar aur koī mohr mire hoñToñ par
qufl-e-abjad se nahīñ band huā baab mirā

naam merā to kiyā us ne qalam-zad lekin
daftar-e-ishq se ḳhārij na huā baab mirā

jis qadar aa.ī farāḳhī mire dil meñ 'tābish'
utnā hī tañg huā halqa-e-ahbāb mirā

aap yaktā hue mazā na huā
lutf hī kyā jo dūsrā na huā

jaane kyā hotā hashr-e-zauq-e-nazar
ḳhair guzrī ki sāmnā na huā

vo shanāvar huuñ bahr-e-hastī meñ
jo kabhī sāhil-āshnā na huā

hausla rah gayā vafā kā mujhe
vo kabhī mā.il-e-jafā na huā

kyuuñ chamaktī hai barq nazd-e-qafas
ye bhī kyā merā āshiyāna huā

lutf uThātā kisī ke jalvoñ kā
dil mirā haa.e aa.ina na huā

shikva bedād kā to kyā 'maikash'
lab se naala bhī āshnā na huā

chahār samt se tesha-zanī havā kī hai
ye shāḳh-e-sabz ki har aan phaltī jaatī hai

ahbāb se kyā kahiye itnā na huā 'fānī'
jab zikr mirā aatā marne kī duā karte

har ik saaya
chaltī havā kā pur-asrār jhoñkā hai

magar maiñ phir bhī mahāz par is tarah DaTā huā huuñ

lafz kis shaan se taḳhlīq huā thā lekin
us kā mafhūm badalte rahe nuqte kyā kyā

vahāñ sāhiloñ pe bashāratoñ kā charāġh bhī hai jalā huā
yahāñ haath mere bañdhe hue mirā bādbān chhidā huā

ga.ī sā.atoñ kī talāsh meñ mirā harf harf bikhar gayā
kahīñ tere naam kā sher bhī thā bayāz-e-jāñ pe likhā huā

mirī por por pe titliyāñ ka.ī rañg chhoḌ ke jā chukīñ
tire zikr kā koī phuul thā mare rat-jagoñ meñ khilā huā