Tags-Hawa

mujh meñ the jitne aib vo mere qalam ne likh diye
mujh meñ thā jitnā husn vo mere hunar meñ gum huā

jugnū havā meñ le ke ujāle nikal paḌe
yuuñ tīrgī se laḌne jiyāle nikal paḌe

peḌ ke pattoñ meñ halchal hai ḳhabar-dār se haiñ
shaam se tez havā chalne ke āsār se haiñ

chhup ke rātoñ ko kahīñ aap na aa.e na ga.e
be-sabab naam huā aap kā raushan kaisā

mere lahū ke rañg kā aisā asar huā
munsif se boltā rahā ḳhanjar maiñ chup rahā

bojhal udaas raat thī ḳhāmosh thī havā
phūloñ kī aag meñ jalā bistar maiñ chup rahā

ġhazab kī us barf-basta ThanDī havā meñ sailāb chāñdnī kā
badan to hai munjamid ragoñ meñ lahū magar tamtamā rahā hai

qaid se bhī na rihā ho ke havā kuchh dil shaad
mubtalā-e-ġham-e-tanhāi-e-sayyād haiñ ham

gesū-e-yār ke saude ne kiyā ḳhāna-ḳharāb
kyā huā ḳhvāhī-e-sayyad meñ barbād haiñ ham

vo na hogā jo huā hai
gar kabhī ham phir mile to

ye bahut achchhā huā ā.eñge vo pichhle pahar
chāñdnī bhī ḳhatm jab tak ai 'qamar' ho jā.egī

shahr meñ saare charāġhoñ kī ziyā ḳhāmosh hai
tīrgī har samt phailā kar havā ḳhāmosh hai

rūp-nagar kī ik raanī thii, us se huā lagāv
bachcho, us raanī kī kahānī sun lo aur so jaao

us par marnā, aa.heñ bharnā, ronā, khuḌhnā, jalnā
āb-o-havā par zinda rahnā, añgāroñ par chalnā

zabāñ pe habs kī ḳhvāhish machal machal uThī
havā chalī to gharoñ meñ ghuTan ziyāda huī

vo to muusā huā jo tālib-e-dīdār huā
phir vo kyā hogā ki jis ne tumheñ dekhā hogā

khiḌkiyāñ kholīñ to mujh ko aaj andāza huā
merā hī saaya thā vo dīvār se lipTā huā

aaj kī shab bhī palaT aa.e binā dastak diye
so rahā thā ghar meñ koī raat kā jaagā huā

is galī ke moḌ pe baiThā huuñ kitnī der se
jis tarah koī musāfir huuñ thakā-hārā huā

jis taraf bhī ab uḌā le jaa.eñ mujh ko āñdhiyāñ
ek patta huuñ havā ke dosh pe rakkhā huā