Tags-Hawa

dekhte haiñ but sabhī ye mas.ala hairān ho kar
kis qadar yaañ aadmī ab aap hī maulā huā hai

raat bhar dikhtā rahā ik shaḳhs mujh ko ḳhvāb ban kar
soch kar vo ḳhvāb hī din aaj kā zaa.e.a huā hai

tirī chaal se hashr bapā jo kiyā tire ḳhauf se haal mirī ye huā
huī jaatī thī ruuh badan meñ fanā mujhe āmad-e-roz-e-jazā kī qasam

ḳhuuñ huā dil ki pashemān-e-sadāqat hai vafā
ḳhush huā jī ki chalo aaj tumhāre hue log

un ko ai narm havā ḳhvāb-e-junūñ se na jagā
raat mai-ḳhāne kī aa.e haiñ guzāre hue log

taaza havā kī aas meñ parde uThā diye
bas ye huā ki gard meñ sāmān aT gayā

huā jo so huā ab chhoḌ bhī do
bahut bhī sochnā achchhā nahīñ hai

roz-o-shab aur na.e arz-o-samā māñge hai
aaj kā daur na.ī āb-o-havā māñge hai

har sub.h dikhātā hai hameñ jalva parī kā
bālā-e-havā-dār sulaimān hamārā

chāñdnī-shab thī ki maiñ thā ki havā ke saa.e
har kisī ne tire kūche meñ Thaharnā chāhā

zard peḌoñ pe nayā rañg zarā aane de
is taraf bhī na.e mausam kī havā aane de

ret pe sāhil kī apne naqsh-e-pā chhoḌ aa.e haiñ
ai havā tere liye apnā patā chhoḌ aa.e haiñ

yuuñ asar-andāz akele-pan kā dukh ham pe huā
tote ke pinjre ko āñgan meñ khulā chhoḌ aa.e haiñ

guzre kyuuñ māyūs ho kar sūrat-e-sā.il huā
ik diyā dahlīz par jaltā huā chhoḌ aa.e haiñ

ḳhabar nahīñ hai mire bādshāh ko shāyad
hazār martaba āzād ye ġhulām huā

rassī se jhūltī huī laḌkī nahīñ hai ye
ye nā-murād-e-ishq hai laTkā huā hai aaj

dastak samajh ke dar pe tū yuuñ dauḌ ke na jā
kal bhī havā kā kaam thā phir bhī havā hai aaj

ek maiñ kyā ki mah o saal uḌe jaate haiñ
ai havā tujh se zamāne meñ bachī hai koī chiiz

ġhuncha phir lagā khilne aaj ham ne apnā dil
ḳhuuñ kiyā huā dekhā gum kiyā huā paayā

havā bhī ho ga.ī mīsāq-e-tīragī meñ farīq
koī charāġh na ab rah-guzar meñ rakkhā jaa.e