Tags-Hawa

hind vīrān huā ham ko hī 'maḳhfī' rakh kar
uTho is ujḌe gulistāñ meñ bahārāñ kar deñ

ham ko raas aatī nahīñ kūcha-e-jānāñ kī havā
ham haiñ alfāz kī tahvīl meñ rahne vaale

uḌne kī zid to chhoḌ havā kī havas nahīñ
ham do parinde umr se ahl-e-qafas nahīñ

so is hisāb se bhī huā saal bhar kā hijr
kahtā hai aa.egā vo mirā is baras nahīñ

qāfile vāloñ ko gumrāhī kā ehsās huā
kam se kam ab kisī anjām kā imkān to hai

jis qadar afsāna-e-hastī ko dohrātā huuñ maiñ
aur bhī be-gāna-e-hastī huā jaatā huuñ maiñ

dil mujassam sher-o-naġhma vo sarāpā rañg-o-bū
kyā fazā.eñ haiñ ki jin meñ hal huā jaatā huuñ maiñ

jis tarah koī bachhḌā huā dost mil gayā
ham muskurā diye rasan-o-dār dekh kar

figār lai se huā merī sīna-e-nai bhī
nafas nafas tirī chāhat kā imtihān meñ thā

havā ke jhoñke abhī abhī ye payām laa.e
ki duur pyāsī zamīñ ke siine pe

ye kohsāroñ kī tarbiyat hai ki apnā ḳhema jamā huā hai
hazār tūfāñ sināñ chalā.e hazār fauj-e-ġhubār laa.e

ḳhalā ke māthe pe ek biñdī na jaane kab se chamak rahī thī
use bhī farq-e-zamīñ kī ḳhātir havā meñ uḌ kar utaar laa.e

habs kī rut meñ koī taaza havā kā jhoñkā
bād-o-bārāñ ke ḳhudā mere bhī ghar se guzre

aaj jī bhar ke tujhe dekhā to mahsūs huā
aañkh ne sūra-e-yūsuf kī tilāvat kī hai

phir āsmān kā manzar jalā huā dekhā
kisī kī aañkh parakh tak nahīñ ga.ī hogī

havā kā taḳht bichhātā huuñ raqs kartā huuñ
badan charāġh banātā huuñ raqs kartā huuñ

daa.im paḌā huā tire dar par nahīñ huuñ maiñ
ḳhaak aisī zindagī pe ki patthar nahīñ huuñ maiñ

havā meñ merī anā bhīgtī rahī varna
maiñ āshiyāne meñ barsāt kaaT saktā thā

jab tak lahū safar meñ hai maiñ rāste meñ huuñ
kashtī havā ke saath khule bādbāñ se hai

sahrā-e-be-kanār hī toḌe havā kā zor
ḳhvāhish ko ḳhaar ab ke dil-e-saḳht-jāñ se hai