Tags-Hawa

vahī huā huuñ ġhazāl-e-safā ke naafe meñ
maiñ mushk-e-lā huuñ havā-e-ḳhutan meñ rahtā huuñ

junūñ ko hosh kahāñ ehtimām-e-ġhārat kā
fasād jo bhī jahāñ meñ huā ḳhirad se huā

maiñ us ke lafz lafz kī banāvaToñ meñ gum thā jab havā chalī
jo mere dil kī mez par kitāb thī khulī huī kidhar ga.ī

din kā jaltā safar tamām huā
raat ab kah rahī hai sone ko

ghar sulagtā sā hai aur jaltā huā sā shahr hai
zindagānī ke liye ab do-jahāñ kā qahr hai

jaao lekin surḳh sho.aloñ ke sivā pāoge kyā
sansanāte dasht meñ kaalī havā kā qahr hai

maiñ ik muddat se us ke pyaar kī ḳhushbū meñ jiitā huuñ
'hasan' misl-e-havā jo roz mujh ko shaad kartā hai

havā ho tez to dīvār-o-dar tharrāne lagte haiñ
magar is ḳhauf se ghar chhoḌ ke jaayā nahīñ jaatā

shal huā jaatā hai kyuuñ haath mire qātil kā
zad pe ḳhanjar ke abhī ḳhushk gulū zinda hai

kitnī jāñ-soz hai is shahr-e-munāfiq kī havā
is pe 'shāhid' mujhe hairat hai ki tū zinda hai

merī sūraj se mulāqāt bhī ho saktī hai
sūkhne Daal diyā jā.ūñ jo dhoyā huā maiñ

raat ro.e the bahut koī bahāna na banā
raat phir uThtā huā dekhā hai tūfāñ ham ne

merā aur us kā vāqi.a yuuñ hai
jab huā sāmnā charāġh jale

ruḳh havā ne badal liyā apnā
faisla ho gayā charāġh jale

qāsid tū ḳhat ko laayā hai kyūñkar khulā huā
ḳhat hai ki hai ye merā muqaddar khulā huā

paḌte hī ik nazar huā zaḳhmī dil-o-jigar
qātil tirī nazar hai ki ḳhanjar khulā huā

qāsid se kyā kahūñ maiñ likhūñ ḳhat meñ un ko kyā
pinhāñ ke dil kā haal hai un par khulā huā

sāhil kī aañkh meñ magar aa.ī na kuchh kamī
dariyā meñ laakh laakh talātum huā kiyā

maarā huā huuñ go ḳhalish-e-intizār kā
mushtāq aaj bhī huuñ payām-e-bahār kā

hashr meñ kuchh na huā mujh se savāl
vāh-rī hech-madānī merī