Tags-Hawa

sabza o barg o laala o sarv-o-saman ko kyā huā
saarā chaman udaas hai haa.e chaman ko kyā huā

husn se tere huā hai ishq kā bāzār garm
tū agar jalva na kartā ham ko bhī saudā na thā

us ne dil jaan ke chheḌā use ma.alūm na thā
mere pahlū meñ dahaktā huā añgārā hai

huā iid ke din maiñ qurbān tujh par
bulā kar gale se lagāyā to hotā

maiñ to 'munīr' ā.īne meñ ḳhud ko tak kar hairān huā
ye chehra kuchh aur tarah thā pahle kisī zamāne meñ

az bas-ki huā haigā guzar fasl-e-ḳhizāñ kā
raunaq nahīñ rakhtā hai gulistān buḌhāpā

gardūñ kī tarah ḳham huā qad qaus-e-quzah kā
khīñchā hai magar zo.af suuñ kaivān buḌhāpā

ab bulbul-e-jāñ tañg huā tan ke qafas meñ
parvāz kare dekh ke zindān buḌhāpā

ḳhāk-e-siyah se meñ jo barābar huā huuñ 'mīr'
saaya paḌā hai mujh pe kaso tīra-baḳht kā

chaman meñ dekhiye ab ke havā kidhar kī chale
ḳhizāñ-nasīboñ ne phir āshiyāñ banā.e haiñ

roz tabdīl huā hai mire dil kā mausam
roz kamre meñ mire sard havā aa.ī hai

fikr kī aañch meñ pighle to ye ma.alūm huā
kitne pardoñ meñ chhupī zaat kī sachchā.ī hai

thī baḌī saffāk mere ahd kī gūñgī havā
bas yahī ki gardanoñ se saare rishte uḌ ga.e

rasta rasta sahl huā hai chalnā
aage aage saayā dekh rahā huuñ

koī hañstā huā sūraj pas-e-dīvār-e-tārīk
firozāñ ho to dīvāreñ girā.eñge nahīñ kyā

mire ḳhilāf huā hai jo faisla 'qaisar'
mirā harīf bhī shāmil mire gavāh meñ thā

na haarā hai ishq aur na duniyā thakī hai
diyā jal rahā hai havā chal rahī hai

aas Duubī to dil huā raushan
bujh gayā dil to dil ke daaġh jale

jab hijr ke shahr meñ dhuup utrī maiñ jaag paḌā to ḳhvāb huā
mirī soch ḳhizāñ kī shāḳh banī tirā chehra aur gulāb huā

barfīlī rut kī tez havā kyuuñ jhiil meñ kañkar pheñk ga.ī
ik aañkh kī niiñd harām huī ik chāñd kā aks ḳharāb huā