Tags-Hawa

tire hijr meñ zehn pighaltā thā tire qurb meñ āñkheñ jaltī haiñ
tujhe khonā ek qayāmat thā tirā milnā aur azaab huā

bhare shahr meñ ek hī chehra thā jise aaj bhī galiyāñ DhūñDtī haiñ
kisī sub.h usī kī dhuup khilī kisī raat vahī mahtāb huā

baḌī umr ke ba.ad in āñkhoñ meñ koī abr utrā tirī yādoñ kā
mire dil kī zamīñ ābād huī mire ġham kā nagar shādāb huā

kabhī vasl meñ 'mohsin' dil TuuTā kabhī hijr kī rut ne laaj rakhī
kisī jism meñ āñkheñ kho baiThe koī chehra khulī kitāb huā

huā kyuuñ mukaddar tū ai ā.ina-rū
tū ai ā.ina-rū huā kyuuñ mukaddar

huā kartī hai dil se guftugū be-ḳhvāb rātoñ meñ
magar khultā nahīñ mujh par ki 'aḳhtar' guftugū kyā hai

kyuuñ diyā 'āsif' us sitamgar ko
aap tū mudda.ī huā dil kā

tiir o ḳhanjar meñ nahīñ hai āb-dārī is qadar
tujh nigah kī dekh kar jaldī huā qurbān baan

zāhir ki aañkh se na tamāshā kare koī
ho dekhnā to dīda-e-dil vā kare koī

darbāñ se aap kahte the kuchh mere baab meñ
suntā thā maiñ bhī paas hī dar ke khaḌā huā

shahr-e-tamannā ke markaz meñ lagā huā hai melā sā
khel-khilaunoñ kā har-sū hai ik rañgīñ gulzār khilā