Tags-Hawa

maiñ gul-e-ḳhushk huuñ lamhe meñ bikhar saktā huuñ
ye bhī mumkin hai ki kuchh der havā rahne de

ho gayā ġharq sar-e-sho.ala-e-sham-e-mahfil
ḳhuun ūñchā huā utnā kisī parvāne kā

dekh ḳhūn-e-sar-e-farhād kā rañgīñ patthar
ye nagīna hai banāyā huā dīvāne kā

āshiyāne kā ḳhudā hī hāfiz
ghaat meñ tez havā baiThī hai

maiñ tez havā meñ bhī bagūle kī tarah thā
aayā thā mujhe taish magar jhuum uThā maiñ

vo ek tū ki havā kī tarah guzar bhī chukā
vo ek maiñ ki faqat haath mal rahā huuñ abhī

ek larza thā sitāroñ ke badan par taarī
maiñ to Duubā huā ik husn kī tafsīl meñ thā

raas aa.ī hai na aa.egī zamāne kī havā
'yās' kyā kyā sohbateñ gard-e-pareshāñ ho ga.iiñ

saḌkoñ pe tirī phirtā thā maarā maarā
dil ġham se huā jaatā thā paarā paarā

kuchh der se hai rañg-e-tamāshā rukā huā
ik tiir dil se paar nahīñ kar rahā huuñ maiñ

kisī sitāre se kyā shikāyat ki raat sab kuchh bujhā huā thā
fasurdagī likh rahī thī dil par shikastagī kī na.ī kahānī

hamārī ziist meñ aise bhī lamhe aate haiñ aksar
darāroñ ke tavassut se havā detī haiñ dīvāreñ

'shams' kī hālat kā mat pūchho kuchh din se ye haal huā
har dam tanhā soch meñ baiThe dāman apnā chīreñ haiñ

kise pukār rahā thā vo Dūbtā huā din
sadā to aa.ī thī lekin koī duhā.ī na thī

ik samundar shahr ko āġhosh meñ letā huā
ik samundar tere mere darmiyāñ phailā huā

ek jañgal jis meñ insāñ ko darindoñ se hai ḳhauf
ek jañgal jis meñ insāñ ḳhud se hī sahmā huā

ek dariyā jū bujhā detā hai maidānoñ kī pyaas
ek dariyā ḳhvāhishoñ kī pyaas kā chaḌhtā huā

ek sahrā jis meñ sannāTā bagūle aur sarāb
ek sahrā hasratoñ kī ret bikhrātā huā

ek mausam jo badaltā hai nazar ke pairahan
ek mausam muddatoñ se fikr pe Thahrā huā