Tags-Hawa

apnī be-e'tidāliyoñ ke sabab
maiñ agar baḌh gayā huā kam bhī

mirī ḳhushī kā zamāna havā kā jhoñkā thā
mire ġhamoñ kī rahī zindagī darāz bahut

gesū bikhre hue ghaTā.eñ be-ḳhud
āñchal laTkā huā havā.eñ be-ḳhud

agar muqaddar kare na yaarī to farq kyā hai koī jagah ho
chalo vo qaid-e-qafas hī dekhī phuñkā huā āshiyāñ na dekhā

havā ke saath ye kaisā mo.āmla huā hai
bujhā chukī thī jise vo diyā jalā huā hai

huzūr aap koī faisla kareñ to sahī
haiñ sar jhuke hue darbār bhī lagā huā hai

khaḌe haiñ sāmne kab se magar nahīñ paḌhte
vo ek lafz jo dīvār par likhā huā hai

hai kis kā aks jo dekhā hai ā.īne se alag
ye kaisā naqsh hai jo ruuh par banā huā hai

ye kis kā ḳhvāb hai tābīr ke ta.āqub meñ
ye kaisā ashk hai jo ḳhaak meñ milā huā hai

ye kis kī yaad kī bārish meñ bhīgtā hai badan
ye kaisā phuul sar-e-shāḳh-e-jāñ khilā huā hai

sitāra TūTte dekhā to Dar ga.ī 'rāhat'
ḳhabar na thī yahī taqdīr meñ likhā huā hai

har taraf ujlī dhanak mausam huā hai barf barf
naddī-nāle hī nahīñ sahrā banā hai barf barf

uḌ rahe haiñ ruuī ke gaale fazāoñ meñ asiir
hai lahū bhī munjamid chehra huā hai barf barf

muskurānā aise mausam meñ kahāñ āsān hai
hoñT niile paḌ ga.e haiñ is par havā hai barf barf

barf kī chādar hai yā phir barf kā hai regzār
dekhtā huuñ jis taraf aalam huā hai barf barf

jab kabhī 'hassās' barfānī havā tan par lagī
yaad aa.ī gaañv kī aañsū piyā hai barf barf

shahr meñ saare charāġhoñ kī ziyā ḳhāmosh hai
tīrgī har samt phailā kar havā ḳhāmosh hai

aksar huā hai ye ki ḳhud apnī talāsh meñ
aage nikal ga.e haiñ had-e-mā-sivā se bhī

harf-e-sākit ban gayā taqtī.a se ḳhārij huā
is ġhazal kī bazm se mujh ko nihāñ honā hī thā

kyā huā jo bhuul baiThe haiñ sabhī qaarī mujhe
ik na ik din mujh ko bhūlī dāstāñ honā hī thā