Tags-Hawa

huā hai apne safar se hazar se begāna
vahīñ vahīñ pe nahīñ hai jahāñ jahāñ koī hai

kahīñ pe aaj bhī vo ghar hai hañstā bastā huā
ye vahm sā hai tire dil ko yā gumāñ koī hai

ġham kī takmīl kā sāmān huā hai paidā
lā.iq-e-faḳhr mirī be-sar-o-sāmānī hai

balā-kashān-e-mohabbat meñ hai shumār mirā
ye inkishāf to mujh par kabhī huā hī nahīñ

vahī saffāk havāoñ kā sadaf bante haiñ
jin daraḳhtoñ kā nikaltā havā qad hotā hai

ik us ke bichhaḌne kā qalaq sab ko huā thā
sarsabz daraḳhtoñ ne bhī sar khole hue the

guzre the mire sāmne tum dosh-e-havā par
maiñ duur kahīñ ret ke Tiile pe khaḌā thā

is daf.a phir jab vilādat kā huā thā silsila
aa ga.e ā.ankhoñ meñ aañsū maiñ ne ro kar yuuñ kahā

habāb hai zindagī kā naqsha kahāñ kā din māh-o-sāl kaisā
havā hai ye dam kā kyā bharosa ummīd-e-fardā na kījiyegā

kiyā to hai ishq hazrat-e-dil liyā hai sar par ye bār-e-mushkil
huā agar mudda.ā na hāsil to raaz ifshā na kījiyegā

tū apne bakne se 'miskīñ' na ham se duur huā
tujhe to bakne se mujh ko hai apne kaam se kaam

shahr be-āb huā jaatā hai
apnī āñkhoñ meñ bachā luuñ paanī

rone talak to kis ko hai fursat yahāñ sahāb
tūfāñ huā bhī jo Tuk ik āb-dīda huuñ

maiñ ik charāġh havā meñ jalā ke lauT aayā
phir us ke ba.ad na jaane ki kyā huā hogā

yahāñ kī āb-o-havā meñ ajab ḳhamoshī hai
tamām shahr kisī dasht par basā hogā

maiñ to ghabrāyā huā thā ye bahut achchhā huā
yaad un kī aa ga.ī tūfān aadhā rah gayā

ab vo rañg-e-bāda-e-ulfat ilāhī kyā huā
joshish-e-hubb-e-vatan jo dil ke paimāne meñ thā

aah 'sābir' jab huā merā safīna ġharq-e-āb
maiñ thā majbūrī thī aur koī lab-e-sāhil na thā

ā.īna hai jo un kā musāhib to kyā huā
ham bhī kabhī the dekhne vaale jamāl ke

jaane kyā merī samā.at ko huā hai 'fāḳhir'
naġhma-e-aish bhī suniye to fuġhāñ lagtā hai