Tags-Hawa

'sīmāb' qadr-dāñ haiñ mire ḳhān-e-jānsaTh
hāzir huā huuñ fikr kā hadiyā liye hue

kulfat-e-duniyā miTe bhī to saḳhī ke faiz se
haath dhone ko mile bahtā huā paanī mujhe

qaum kā ġham mol le kar dil kā ye aalam huā
yaad bhī aatī nahīñ apnī pareshānī mujhe

lucknow meñ phir huī ārāsta bazm-e-suḳhan
baad muddat phir huā zauq-e-ġhazal-ḳhvānī mujhe

ab ghaTā.eñ mai-kade par chhā.īñ to maiñ kyā karūñ
be-dilī ko da.avat-e-āb-o-havā se kyā ġharaz

sapnoñ kī Daalī par chamkā ek sunahrā paat
chaḌhtā sūraj dekh ke jis kā ruup huā hai dañg

guzar diloñ se ho sab is havā meñ the lekin
koī kisī kā taraf-dār bhī na hotā thā

mire liye na ruk sake to kyā huā
jahāñ kahīñ Thahar ga.e ho ḳhush raho

ruḳh shahr kī jānib huā jañgal kī havā kā
aur shor mire dil meñ ubhartā hai ziyāda

log pheñk ā.eñge mujh ko jahāñ us marghaT par
maut kā chhāyā huā ghor añdherā hogā

kitne shīrīñ haiñ tere lab ki raqīb
gāliyāñ khā ke be-mazā na huā

dayār-e-habs meñ bujhte hue charāġhoñ ko
zarā sahārā havā kā mile charāġhoñ ko

bujhe charāġhoñ kī sargoshiyoñ meñ ḳhatra hai
havā bhī kaan lagā kar sune charāġhoñ ko

tajā ghar ek aur saare bayābāñ kā huā vāris
koī majnūñ sā ayyārā na hogā dūsrā hargiz

apnī manzil kī taraf
muzmahil andāz se chaltā huā

phailā huā hai baaġh meñ har samt nūr-e-sub.h
bulbul ke chahchahoñ se hai zāhir surūr-e-sub.h

baiThe ho tum jo chehre se ulTe naqāb ko
phailā huā hai chaar taraf shab ko nūr-e-sub.h

sau dasht samundar chhāno par aate raho qarya-e-dil tak bhī
bairūnī havā ke jhoñkoñ meñ ik mauj-e-maqāmī rahne do

adā ye kis kaTe patte se tū ne sīkhī hai
sitam havā kā ho aur shāḳh se shikāyat kar

duur tak phailā huā paanī hī paanī har taraf
ab ke bādal ne bahut kī mehrbānī har taraf