Tags-Haya

hayā ke dhāgoñ meñ lipTe hue haiñ ham donoñ
na.ī rutoñ ke ishāro zarā ḳhayāl karo

hazāroñ shoḳh armāñ le rahe haiñ chuTkiyāñ dil meñ
hayā un kī ijāzat de to kuchh bebākīyāñ kar luuñ

vo nīchī nigāheñ vo hayā yaad rahegī
mil kar bhī na milne kī adā yaad rahegī

us ko aa.ī hayā to kab aa.ī
merī jindḌī ke āḳhirī lamhe

ḳhudā-āgāh kā har har nafas dars-e-tayaqqun hai
hayā-begāna taḳhrībī hamesha chaal chaltā hai

ye sharm ke ma.anī haiñ hayā kahte haiñ is ko
āġhosh-e-tasavvur meñ na aayā badan un kā

laraztī kāñptī misl-e-hayā simTī huī sī
mirī jānib baḌhī us kī sadā sahmī huī sī

aur rañgīñ ho ga.ī us ke tabassum kī dhanak
ishq kā sūraj hayā kī barf pighlātā rahā

khultā hī jā rahā hai kisī ruḳh ke rū-ba-rū
sharm-o-hayā kā baab mire dekhne ke ba.ad

jo sach pūchho hasīnoñ kā hayā ne rakh liyā parda
nikal chalte gharoñ se ye to hotī dil-lagī achchhī

tirī adāoñ kī sādgī meñ kisī ko mahsūs bhī na hogā
abhī qayāmat kā ik karishma hayā ke dāman meñ pal rahā hai

ek kāfir-adā ne luuT liyā
un kī sharm-o-hayā ne luuT liyā

zevar-e-husn kiyā chashm-e-hayā
ishq ko dīda-e-hairāñ baḳhshā

afsar bane haiñ is dam mere hī ham-jamā.at
un se hayā ke maare paḌtā hai muñh chhupānā

terī āñkhoñ meñ ka.ī rañg jhalakte dekhe
sādgī hai ki jhijhak hai ki hayā hai kyā hai

qatra-e-shabnam-e-hayā ġhuncha-o-gul araq araq
kyā kyā simaT ke aa gayā dāman-e-infi.āl meñ

araq-āgīñ jabīñ insāniyat kī ho ga.ī 'jumbish'
ki daur aayā hai vo sharm-o-hayā kī aañkh bhar aa.ī

huā ba.ad-e-vasl ajab mazā ki ḳhamosh baiThe judā judā
hama-tan maiñ sabr-o-sukūñ huā hama-tan vo sharm-o-hayā hue

faqīr huuñ isī kūche meñ ḳhaak phāñktā huuñ
sadā lagā nahīñ saktā magar hayā se maiñ

hayā bhī aañkh meñ vāraftagī bhī
badan meñ pyaas lab par ḳhāmushī bhī