Tags-Haya

aatā hai roz ḳhvāb meñ vo paikar-e-jamāl
āñkhoñ kī gāgaroñ ko hayā se bhare hue

muddat huī us jān-e-hayā ne ham se ye iqrār kiyā
jitne bhī badnām hue ham utnā us ne pyaar kiyā

ye aañkh tanz na ho zaḳhm-e-dil harā na lage
mujhe qarār to ho yā use hayā na lage

rone se hayā sham.a kī zāhir ho to kyuuñ kar
uryāñ hai magar beach meñ mahfil ke khaḌī hai

shoḳhiyāñ kaam na aa.iiñ to hayā dhar legī
us ne āñkhoñ ko ka.ī daav sikhā.e hue haiñ

ai farañgī kabhī sochā hai ye dil meñ tū ne
aur ye soch ke kuchh tujh ko hayā bhī aa.ī

pahle mirī vafā ko mo.attar kiyā gayā
phir gulshan-e-hayā se sajāyā gayā mujhe

nargis-e-shoḳh meñ tarkīb-e-hayā hai pinhāñ
nigah-e-sharm se hai rañg-e-sharārat paidā

sīrat meñ hai jo husn vo sūrat meñ nahīñ hai
pākīzgī-o-sharm-o-hayā aur hī kuchh hai

na tajalliyāñ haiñ na garmiyāñ na sharārteñ haiñ na phurtiyāñ
hama-tan the din ko to shoḳhiyāñ hama-tan vo shab ko hayā hue

utrā thā jis pe bāb-e-hayā kā varaq varaq
bistar ke ek ek shikan kī sharīk thī

ġhairat hai ki hayā
naam us kā na liyā jis ko pukārā us ne

'shabāb' bosa liyā jo maiñ ne to kyā bigaḌ kar vo shoḳh bolā
adab zarā bhī nahīñ hai tujh ko hayā to chhū bhī nahīñ ga.ī hai

sambhāl vaa.iz zabān apnī ḳhudā se Darā ik zarā hayā kar
butoñ kī ġhībat ḳhudā ke ghar meñ ḳhudā ḳhudā kar ḳhudā ḳhudā kar

jo sohbat-e-aġhyār meñ is darja ho bebāk
us shoḳh kī sab sharm o hayā mere liye hai

ḳhizāñ ke sunahrī fareboñ meñ aa kar
hayā kā muqaddas chaman luT rahā hai

ek hairat se lipTī huī ik subuk-doshī-e-pairahan
muztarib hai achānak bichhaḌ jaane vaalī hayā ke liye

chilman ho yā naqāb ho yā parda-e-hayā
sūrat tirī kisī se chhupā.ī na jā.egī

jhāñk kar rauzan-e-dar se mujh ko
kyā vo shoḳhī se hayā karte haiñ

be-parda ġhair paas use baiThā na dekhte
uTh jaate kaash ham bhī jahāñ se hayā ke saath