Tags-Haya

shoḳhī shabāb husn tabassum hayā ke saath
dil le liyā hai aap ne kis kis adā ke saath

umr bhar sūraj bhī jin kī diid se qāsir rahe
un hayā-dāroñ ke uThte haiñ janāze raat ko

vo mirī arz-e-shauq-e-behad par
kuchh hayā kuchh itaab kā aalam

donoñ ne baḌhā.ī raunaq-e-husn
shoḳhī ne kabhī kabhī hayā ne

luuTā hai mujhe us kī har adā ne
andāz ne naaz ne hayā ne

maiñ is ke sheroñ meñ Dhal rahī huuñ vo merā lahja badal rahā hai
maiñ chup rahūñ aur kahūñ na kuchh bhī yahī taqāza to hai hayā kā

bosīda sahī zeb-e-qabā tak nahīñ aatī
be-pairahan-e-jāñ ko hayā tak nahīñ aatī

sho.ala sā lapaktā hai koī rauzan-e-dar se
ḳhandāñ hai phir ik bint-e-hayā jāniye kyā ho

goyā ki sab ġhalat haiñ mirī bad-gumāniyāñ
dekhe to koī shakl tumhārī hayā ke saath

hai ye andāz-e-hayā aur tarz-e-tamkīñ kyuuñ nahīñ
jo na hove chor vo āñkheñ churā.e kis liye

tere aane kī ḳhabar detī rahī pāgal havā
tujh talak merī hayā le kar ga.ī pāgal havā

ārizoñ par vo tire tābish-e-paimān-e-vafā
chāñdnī raat ke chehre pe hayā ho jaise

ye na.e taur ye andāz mujhe raas nahīñ
merī tahzīb vahī sharm-o-hayā māñge hai

vo bhīgā jism vo pairāhan-e-hayā kī shafaq
phir ik gulāb ko shādāb kar gayā paanī

duā duā vo chehra
hayā hayā vo āñkheñ

ḳhūn-e-nāhaq kī hayā bolī zarā muñh Dhāñk lo
naaz jab un ko sar-e-ḳhāk-e-shahīdāñ le chalā

hai shujā.at va saḳhā hilm-o-hayā 'qāsim-alī'
shaan meñ sher-e-ḳhudā ke haiñ ḳhatam chāroñ ek

jab aTaktā hai jo dil kuchh nahīñ chhoḌe baaqī
nañg-o-nāmūs hayā aur sharam chāroñ ek

agarche fart-e-hayā se nazar na aa.uuñ use
vo ruuTh jaa.e to sau tarah se manā.ūñ use