Tags-Haya

vo jis kī paak uḌānoñ ke mo'tarif the sab
jale hue vahī shahpar hayā ke rakkhe the

kaheñge kaho tumheñ log kyā yahī aarsī yahī tum sadā
na kaso kī tum ko hai Tak hayā na hamāre muñh se hijāb hai

kyuuñ nīchī nazreñ kar liiñ miyāñ ye to tū batā
ā.īna dekhte hī tujhe kyā hayā lagī

kahā jo ham ne ki aan lagiye hamāre siine se is dam ai jaañ
to sun ke us ne hayā kī aisī ki aayā muñh par vahīñ pasīna

nahīñ us meñ rahm-o-hayā kuchh vo qātil
baḌā sañg-dil hai baḌā be-muravvat

vo barahnagī kā qasīda kahte hue idhar nikal aayā thā
magar us kī āñkhoñ meñ satr-posh hayā na ho kahīñ yuuñ na ho

khule to kaise khule rāz-e-unfuvān-e-shabāb
hayā ne kyā tire band-e-qabā se kuchh na kahā

ai nigāh-e-shauq is chashm-e-fusūñ-pardāz meñ
vo jo ik pindār thā āḳhir hayā kyūñkar huā

zulm ko dekh ke chup rahte haiñ
ham ko jiine se hayā aatī hai

ye terī be-ruḳhī ye sargirānī
jiye jaate haiñ jo ham be-hayā haiñ

falak huā mehrbāñ phire din shab-e-visāl aa ga.ī to is ne
bahār-e-lutf-o-karam dikhā kar naqāb-e-sharm-o-hayā uThā kar

ahd-e-shabāb thā bahār aur sajā bahār ko
jitnī jahāñ meñ mil sakī is ne hayā ḳharīd lī

kuchh to the dost bhī vafā-dushman
kuchh mirī aañkh meñ hayā bhī thī

kaTī hai umr yahāñ ek ghar banāne meñ
hayā na aa.ī tumheñ bastiyāñ jalāne meñ

kyā be-hayā hai jo nahīñ Taltā tū 'mus.hafī'
sau baar maiñ ne tujh ko divāne kahā sarak

un āñkhoñ meñ phir dekhā hayā rañg-e-tabassum
raste meñ qazā se mirī phir aañkh laḌī hai

kabhī hayā unheñ aa.ī kabhī ġhurūr aayā
hamāre kaam meñ sau sau tarah futūr aayā

ġhulām qaum tujhe kuchh hayā bhī aatī hai
haiñ tere chāñd ye ḳhāk-afganī kī tadbīreñ

adab hai aur yahī kashmakash to kyā kiije
hayā hai aur yahī gū-magū to kyūñkar ho

shoḳh mazmūñ se hazar karte haiñ
sher meñ jin ke hayā-bandī hai