Tags-Haya

vo bhī thā mauj meñ ye dil bhī bahakne hī ko thā
apne hāthoñ ne hayā kī to tumhāre liye kī

magar raqīboñ ne sar uThāyā ki ye na hotā to be-muravvat
nazar se zāhir hayā na hotī hayā se gardan meñ ḳham na hotā

ye kah rahī hai mujh se kisī kī nigāh-e-sharm
fursat agar hayā se mile shoḳhiyāñ karūñ

dil milne pe bhī pahlū na milā dushman to baġhal hī meñ hai chhupā
qātil hai mohabbat kī ye hayā tum aur kahīñ ham aur kahīñ

aane meñ jhijhak milne meñ hayā tum aur kahīñ ham aur kahīñ
ab ahd-e-vafā TuuTā ki rahā tum aur kahīñ ham aur kahīñ

nigāh-e-nāz meñ hayā bhī hai
is banāvaT kī intihā bhī hai

yuuñ to bebāk banā phirtā hai vo yāroñ meñ
us kī ā.ankhoñ meñ ajab sharm-o-hayā chaltī hai

in hasīnoñ kā hai duniyā se nirālā andāz
shoḳhiyāñ bazm meñ ḳhalvat meñ hayā karte haiñ

rū-ba-rū us ke kabhū baat na sudhrī ham se
hilm hai chain hai dahshat hai hayā hai kyā hai

bebākī-o-shoḳhī bhī hai aur sharm-o-hayā bhī
do mahram-e-asrār haiñ to parda-kushā do

thā ḳhār-e-jigar hijr meñ tanhā ġham-e-dūrī
haiñ āfat-e-jāñ vasl meñ ab sharm-o-hayā do

jānvar meñ hayā insāñ se ziyāda dekhī
ulTe bahne lage tahzīb ke dhāre sāhab

sādiqul-qaul kī pahchān yahī hai ai 'nāz'
dil meñ Dar hotā hai āñkhoñ meñ hayā hotī hai

vasl kī shab hai milo aaj to dil khol ke ḳhuub
ai mirī jaan ye jā.egī hayā kaun se din

huā ba.ad-e-vasl ajab mazā ki ḳhamosh baiThe judā judā
hama-tan maiñ sabr-o-sukūñ huā hama-tan-o-sharm-o-hayā hue

ik baat jise sun ke hayā aa.e chaman ko
ik baat jise nargis-e-bīmār hī samjhe

kahāñ talak na hayā degī ruḳhsat-e-guftār
kabhī to pūchhegā vo mah-laqā hamārā haal

tum sāmne aate ho to chhupte ho sivā aur
parde kī hayā aur hai āñkhoñ kī hayā aur

ḳhud-parastī ho jis kī fitrat meñ
vo to be-sharm be-hayā hogā