Tags-Haya

ruḳh se apne jo naqāb us ne uThāyā to kyā
parda-e-sharm-o-hayā māne-e-dīdār rahā

nigāhoñ meñ hayā hai aur hayā meñ hai nihāñ kyā-kyā
tabī.at meñ basī haiñ ḳhair se rañgīniyāñ kyā-kyā

vāh-jī vā bas dekh liyā kyā vaz.a kī hai yahī pābandī
kahte is ko haiñ sharm-o-hayā ham jaañ se jaa.eñ na aa.eñ aap

sharm-o-hayā ke parde meñ karte the ham pe jafā.eñ aap
aap ko ham pahchān ga.e muñh āñchal se na chhupā.eñ aap

kuchh din se intizār-e-savāl-e-digar meñ hai
vo muzmahil hayā jo kisī kī nazar meñ hai

tahzīb hī baaqī hai na ab sharm-o-hayā kuchh
kis darja ab insān ye bebāk huā hai

qarīna sarqa ishāra kināya ramz savāl
hayā se jhuktī nigāhoñ meñ jhāñkte the sabhī

rāz-e-dil faash kiyā karte ho kyā karte ho
naam se mere hayā karte ho kyā karte ho

itnā bhī na ho koī hayā-dār
dekhā to samā ga.e nazar meñ

merā vajūd harf-e-taqāzā banā huā
mohr-e-qubūl us ke laboñ par hayā ke saath

jo āġhosh-e-hayā meñ ek dil-āvez nashtar hai
isī mauj-e-nazar ko gulshan-e-ḳhandāñ bhī kahte haiñ

husn kī shoḳh-nazar māñge hai qīmat apnī
jhuktī āñkhoñ ke darīche meñ hayā thī kal tak

yaad hai tujh ko vo pahle lams kī hiddat ki jab
rah ga.ī thī daf.atan terī hayā bhī dam-ba-ḳhud

ai jān-e-hayā jān-e-vafā eid-mubārak

bedār ho na jaa.eñ badan kī zarūrateñ
ai shauq-e-be-panāh fasīl-e-hayā na toḌ

aur phir hayā zindagī kī maar
ma.arifat kā bojh jabr-o-iḳhtiyār

ibādat ḳhudā kī ba-ummīd-e-hūr
magar tujh ko zāhid hayā kuchh nahīñ

ye hasrat kī lazzat ye zauq-e-tamannā
shab-e-vasl un se hayā chāhtā huuñ

hai shab-e-vasl be-takalluf ho
shoḳhiyāñ kahtī haiñ hayā na karo

vo ek laḌkī jo mar rahī hai hayā ke maare
vo ek laḌkā jo dekhne par tulā huā hai