Tags-Haya

raftār o sadā gumbad-e-aflāk meñ aa.e
kuchh rañg-e-hayā dīda-e-chālāk meñ aa.e

sāmne jo aa jā.ūñ kaifiyat hayā kī phir
Taañk degī palkoñ par nāznīn ḳhāmoshī

jo un ko lipTā ke gaal chūmā hayā se aane lagā pasīna
huī hai bosoñ kī garm bhaTTī khiñche na kyuuñ kar sharāb-e-āriz

but-ḳhāne se dil apne uThā.e na ga.e
ka.abe kī taraf mizāj laa.e na ga.e

kaun ghūñghaT ko uThā.egā sitamgar kah ke
aur phir kis se kareñge vo hayā mere baad

āġhosh-e-tasavvur meñ sau baar go aate haiñ
lekin na qarīb aa.e vo jān-e-hayā barsoñ

naaz se jo na ho vo kartī hai
chupke chupke hayā ahā-hāhā

us ke chehre pe tabassum kī ziyā aa.egī
vo mujhe yaad karegā to hayā aa.egī

ā.īna le ke kījiye itnā mushāhida
ham se sulūk-e-sharm-o-hayā kuchh na pūchhiye

mere phūloñ se bhī dāman ko bachāyā us ne
log samjhe haiñ taġhāful ko hayā mere ba.ad

husn kā dekhne vaalā koī baaqī na rahā
kis se karte ho tum ab sharm-o-hayā mere ba.ad

āñkhoñ meñ hayā rakh ke bhī bebāk bahut the
the tere gunahgār magar paak bahut the

hayā nahīñ hai zamāne kī aañkh meñ baaqī
ḳhudā kare ki javānī tirī rahe be-dāġh

is ahd-e-nau meñ aur to sab kuchh milā magar
sharm-o-hayā ke qīmtī zevar nahīñ rahe

hai āfat-e-jāñ husn kī shoḳhī bhī adā bhī
hoñToñ pe tabassum bhī hai nazroñ meñ hayā bhī

baḌh chalī hai bahut hayā terī
mujh ko rusvā na kar ḳhudā ke liye

tumhāre sāmne rahtī haiñ nīm-vā hamdam
Hayā-shanās bahut haiñ ye bā-adab āñkheñ

kyūñki māshūqoñ ke va.adoñ pe hayā karte the
bhole-bhāle the bahut agle zamāne vaale

qadam qadam pe Hayā-soziyon kā aalam hai
sañvar sañvar ke nigārān-e-shahar chalte haiñ

kahte hue saaqī se hayā aatī hai varna
hai yuuñ ki mujhe durd-e-tah-e-jām bahut hai