Tags-Haya

chashm-e-siyāh-e-yār se sāzish hayā kī hai
lailā ke saath meñ ye sahelī balā kī hai

dil saḳht hī kāfir kā par āñkhoñ meñ hayā hai
sunte hī jafā kā gila sharmā ga.iiñ āñkheñ

hayā bhī hai un meñ shoḳhiyāñ bhī
ye raaz bhī apnī tarjumāñ bhī

ba-zāhir un ko hayā-dār log samjhe haiñ
hayā meñ jo hai sharārat kisī ko kyā ma.alūm

kamāl-e-dilbarī meñ kaun sī terī adā kam hai
na shoḳhī kam hayā se hai na shoḳhī se hayā kam hai

rāz-e-dil faash kiyā karte ho kyā karte ho
naam se mere hayā karte ho kyā karte ho

kuchh mire shauq ne dar-parda kahā ho jaise
aaj tum aur hī tasvīr-e-hayā ho jaise

us rū-e-ziyā-bār pe ye abr kā ghūñgaT
bijlī ko yaqīnan ye hayā tujh se milī hai

vo nuur nuur damaktā huā sā ik chehrā
vo ā.īnoñ meñ hayā hī hayā hamāre liye

pahle to merī yaad se aa.ī hayā unheñ
phir aa.ine meñ chuum liyā apne-āp ko

un kī vo hayā vo ḳhāmoshī apnī vo mohabbat kī nazreñ
vo sunñe ko sab kuchh sunte haiñ ham kahne ko sab kuchh kahte haiñ

gunāh kartā hai barmalā tū kisī se kartā nahīñ hayā tū
ḳhudā ko kyā muñh dikhā.egā tū zarā tū ai be-hayā hayā kar

suḳhan ke harf pe rakhtā hai harf-e-jāñ kā madār
hayā ko aañkh kī durd-e-subū samajhtā hai

kaifiyat-e-nashāt thī ḳhud hī se guftugū
'nāhīd' ye ridā bhī hayā kī thī kuchh dinoñ

hayā kā rañg jo aayā hai us ke chehre par
ye rañg hāsil-e-shām-e-visāl ho gayā hai

thartharāhaT hayā kī us ruḳh par
raqs-e-nairañgī-e-sabā kahiye

be-pardagī se uḌ gayā sharm-o-hayā kā rañg
chehre pe uḌ rahī haiñ hayā ke havā.iyāñ

maare hayā ke ham se vo kal boltā na thā
ham chheḌ chheḌ kar use laa.e suḳhan ke biich

tirī adāoñ kī sādgī meñ kisī ko mahsūs bhī na hogā
abhī qayāmat kā ik karishma hayā ke dāman meñ pal rahā hai

baḌī der kar dī nasīhat ko tum ne
na.ī nasl se ab hayā māñgte ho