Tags-Haya

ye pahlī nazm un āñkhoñ kī ḳhātir hai
ki jin meñ chāñd tāroñ sī chamaktī shāh-rāhoñ par hazāroñ an-kahe jazbe hayā kī surḳh hiddat se pighalte haiñ

mujh ko hairat hai ki tujh ko dekh kar zār-o-nizār
gaḌ nahīñ jaate hayā se hākimān-e-zī-vaqār

zer-e-mahal us shoḳh ke jā ke paañv jo ham ne phailā.e
sharm-o-hayā ne uThne na dī chilman jo chhuTī mahtābī kī

husn kī aañkh agar hayā na kare
ishq zinda rahe ḳhudā na kare

rāsta rok liyā fart-e-nazākat ne kabhī
paas aa.e to unheñ duur hayā ne rakkhā

aaj sharmātā hai sūraj us se
vo jo tāroñ se hayā kartā thā

hayā kā rañg vahī un kā mere ḳhvāb meñ bhī
dabā.e dāñtoñ meñ uñglī nazar jhukā.e hue

bad-mastī meñ tum ne unheñ kyā kah diyā 'aḳhtar'
kyuuñ shoḳh-nigāhoñ meñ hayā khel rahī hai

un ras bharī āñkhoñ meñ hayā khel rahī hai
do zahr ke pyāloñ pe qazā khel rahī hai

misl-e-mūsā mujhe ġhash aa.e na ho tum ko hijāb
va.ada-e-vasl jo iifā ho hayā se pahle

marne vaale phir na ai 'jāved' kholeñ apnī aañkh
gar qasam baḌhtī huī un kī hayā dene lage

jo un ko lipTā ke gaal chūmā hayā se aane lagā pasīna
huī hai bosoñ kī garm bhaTTī khiñche na kyūñkar sharāb-e-āriz

nigāh-e-shauq ne mujh ko ye raaz samjhāyā
hayā bhī dil kī nazākat pe zarb-e-kārī hai

hayā se sar jhukā lenā adā se muskurā denā
hasīnoñ ko bhī kitnā sahl hai bijlī girā denā

ḳhūbī suuñ tujh huzūr o shama dam-zanī meñ hai
us be-hayā kī charb-zabānī kuuñ dekh tuuñ

uTh rahī thiiñ usī din ke liye nīchī nazreñ
chuTkiyāñ qabr meñ lene ko hayā bhī aa.ī

ik mohabbat kī ye tasvīr hai do rañgoñ meñ
shauq sab merā hai aur saarī hayā us kī hai

hayā hoTaloñ meñ hai aape se bāhar
vafā ghar ke andar bhī hai bebasī meñ

hijāb-e-husn se baḌhtī hai vār-e-uryānī
yahī sabab hai maiñ āzurda-e-hayā na huā

darguzar kar raqīb siiñ ai dil
be-hayā hai rijālā hai duuñ hai