Tags-Haya

ma.aqūl sahī vajd kā hiila magar ai shaiḳh
achchhā nahīñ bā-īñ-hama-tamkīn-o-hayā raqs

ḳhud se mahjūb hai ḳhud un kī hayā mere ba.ad
husn maġhmūm hai ma.azūr-e-adā mere ba.ad

na.ī rutoñ kī havā le uḌī libās us kā
vo kal talak to harīm-e-hayā meñ baiThā thā

qadam qadam pe ajab be-hayā nigāhoñ kā
hisār sā nazar aayā jidhar ga.e ham tum

o vasl meñ muñh chhupāne vaale
ye bhī koī vaqt hai hayā kā

hayā kī baat hai ab tak qafas meñ zinda huuñ
chaman meñ jā.ūñ to nargis se aañkh chaar na ho

pahle to merī yaad se aa.ī hayā unheñ
phir aa.ine meñ chuum liyā apne-āp ko

naaz detā nahīñ gar ruḳhsat-e-gul-gasht-e-chaman
ai chaman-zār-e-hayā dil ke gulistān meñ aa

aqdār kā fuqdān havasnākī-o-vahshat
sab parde haTā rakkhe haiñ ab sharm-o-hayā ne

husn bhī husn hai malbūs-e-hayā hai jab tak
pur-kashish aur nazar aa.e hijābāt mujhe

uf vo māsūm o hayā-rez nigāheñ jin par
qatl ke baad bhī ilzām nahīñ aatā hai

hayā ke bojh se jab har qadam par laġhzisheñ hotīñ
fazā meñ muntashir rañgīñ badan kī larzisheñ hotīñ

kahāñ the shab idhar dekho hayā kyuuñ hai nigāhoñ meñ
agar manzūr hai rakh lo mujhe jhūTe gavāhoñ meñ

unhīñ āñkhoñ se jiinā chāhtā huuñ
jin āñkhoñ kī hayā ne maar Daalā

tanhā maiñ aur itne vahāñ haiñ mire raqīb
nāz-o-adā ġhamza-o-sharm-o-hayā lihāz

jhuk ga.ī āḳhir hayā se un kī aañkh
shauq ne mujh ko pashīmāñ kar diyā

āñkhoñ meñ hayā aa jaatī hai hoñToñ pe tabassum laate haiñ
vo mujh pe sitam jab karte haiñ tasvīr-e-karam ban jaate haiñ

thiiñ jo us meñ hayā kī kuchh bāteñ
shikva merā vo lab pe lā na sake

chaman ujāḌne vaalo tumheñ ḳhudā samjhe
tumheñ na aa.ī hayā phuul to hamāre ga.e

yā husn-e-kashish meñ jaañ aur aap ne Daalī hai
yā shoḳhī-e-fitrat hai dar-parda hayā uljhī