Tags-Hijr

rāhat-e-vasl kisī ko to kisī ko ġham-e-hijr
sabr ḳhāliq ne diyā hai mujhe sab ke badle

vo rāz-e-vasl thā jo niiñd meñ khulā mujh par
ye ḳhvāb-e-hijr hai jo jāgte meñ aayā hai

na sunñe meñ na kahīñ dekhne meñ aayā hai
jo hijr o vasl mire tajribe meñ aayā hai

ravābit sab hisār-e-hijr meñ haiñ
ta.alluq TūTtī zanjīr sā hai

'farāz' ishq kī duniyā to ḳhūb-sūrat thī
ye kis ne fitna-e-hijr-o-visāl rakkhā hai

vasl aur hijr haiñ donoñ hī miyāñ se bai.at
dekhiye kis pe ināyat kī nazar karte haiñ

ye ham jo hijr meñ dīvār-o-dar ko dekhte haiñ
kabhī sabā ko kabhī nāma-bar ko dekhte haiñ

haa.e jab hijr kī shab meñ tire bosoñ kī miThās
phail jaatī hai mire hoñToñ pe jaadū kī tarah

shor barpā hai tirī yādoñ kā
raunaq-e-hijr bayābān meñ hai

mujhe shāhrāh-e-hayat par ka.ī aise ghar bhī mile 'ziyā'
jahāñ qumqume na jale kabhī na vo hijr ke na visāl ke

shā.irī jaam aur tanhā.ī
hijr kī shab meñ aur kyā hogā

ḳhabar yahī hai ki āġhosh-e-hijr meñ pahroñ
tumhārī yaad bhī pahlū badaltī rahtī hai

maiñ tanhā hijr ke jañgal ke ġhāroñ meñ
jalātī huuñ

dard kī niilī rageñ 'naināñ' samundar ban ga.iiñ
hijr kī rātoñ kā pahlā chāñd Dhalne ke sabab

hijr kī pur-soz rāteñ kis tarah ābād hoñ
shaad huuñ shādāb huuñ ai mere hamdam dekhnā

havā-e-hijr chalī dil kī regzāroñ meñ
sharār jalte haiñ palkoñ kī shāḳh-sāroñ meñ

'zahīr' vo bhī samajhte haiñ ab zabān-e-ġhazal
chhupāo laakh ġham-e-hijr isti.āroñ meñ

hijr kā aalam yaad hai mujh ko
ik ik din ek ek mahīna

shab-e-hijr ba.ad mere agar is jahāñ meñ rahtī
to yahī siyāh daftar mirā yādgār hotā

ik dard-e-hijr se bas ye pāñch ārize haiñ
be-hoshī be-qarārī ġhash tap buḳhār pān.cho