Tags-Hijr

kyuuñ āsmān-e-hijr ke taare chale ga.e
ab kyā huā jo ḳhvāb tumhāre chale ga.e

daaġh par daaġh se ai 'barq' mujhe rāhat hai
dard kam ho to shab-e-hijr meñ iizā baḌh jaa.e

sadma-e-hijr ke shikvoñ pe vo bole shab-e-vasl
ga.ī guzrī huī bātoñ ko tū ab yaad na kar

ridā-e-hijr pe jo dard kī kaḌhā.ī kī
tumhārī yaad meñ ye pahlī dast-kārī hai

mat pūchh kis tarah se kaTī raat hijr kī
har naala merī jaan ko teġh kashīda thā

lo sub.h-e-adam aa.ī ab hijr kī saa.at hai
shab-bhar kī sarā.e se mehmān nikalte haiñ

gardish vidā-e-hijr hai aur muzhda-e-visāl
gardish meñ haiñ ye shām-o-sahar jāgte raho

jahān bhar kī tamām āñkheñ nichoḌ kar jitnā nam banegā
ye kul milā kar bhī hijr kī raat mere girye se kam banegā

dayār-e-hijr meñ ḳhud ko to akasr bhuul jaatā huuñ
tujhe bhī maiñ tirī yādoñ meñ kho kar bhuul jaatā huuñ

hijr-e-jānāñ meñ jī se jaanā hai
bas yahī maut kā bahāna hai

soz-e-sham-e-hijr se shab jal ga.e
Dhalte Dhalte aañsū ham ḳhud Dhal ga.e

saañs lete the hijr mausam meñ
ab ye mausam bhī raas kam kam hai

ye umar-e-hijr agar sarf-e-intizār na ho
to vāqa.ī mujhe hastī pe e'tibār na ho

maiñ ḳhud se mil gayā thā tirī bāzyāft meñ
kyā mujh pe tere hijr kā ehsān ho gayā

yuuñ guzarte haiñ hijr ke lamhe
jaise vo baat karte jaate haiñ

dīvār-e-hijr par the bahut sāhiboñ ke naam
ye basti-e-firāq bhī shohrat-sarā milī

udāsī ke ufuq par jab tumhārī yaad ke jugnū chamakte haiñ
to merī ruuh par rakkhā huā ye hijr kā patthar

kis ko shikva hijr kā aur kis ko hasrat vasl kī
lutf-parvardā hai merā dil kisī kī yaad kā

kisī ke hijr meñ yuuñ TuuT kar royā nahīñ karte
ye apnā rañj hai aur rañj kā charchā nahīñ karte

lipTo mujhe aa ke hijr kī shab
ai gesū-e-yār agar balā ho