Tags-Hijr

donoñ ghaḌiyoñ par hijr kā vaqt
honā nahīñ chāhiye thā so thā

visāl-o-hijr ke qisse na yuuñ sunāo hameñ
ab is azāb-e-shab-o-roz se bachāo hameñ

aise ham par us kā hijr musallat hai
jaise koī martā jaa.e cancer se

sahar hote hī jaise ret bhar jaatī hai sāñsoñ meñ
nasīm-e-hijr tere zā.iqe achchhe nahīñ lagte

na is kā vasl milā aur na rozgār yahāñ
so pahle hijr-zada the aur ab ke hijratī haiñ

din tire hijr meñ kaT jaatā hai jaise-taise
mujh se rahtī hai ḳhafā merī nazar shaam ke baad

kin tazādāt meñ ghirā huuñ 'habīb'
zindagī hijr bhī visāl bhī hai

maiñ kyoñ kahūñ ki maiñ tanhā huuñ hijr kā maarā
vo ban ke ḳhushbū yahīñ ās-pās rahtā hai

kaThin haiñ bahut hijr ke marhale
taqāzā hai hañs kar guzar jā.iye

hijr kī raat meñ bhī dard ke āshob meñ bhī
dil use chāhtā rahtā hai sadā chāhtā hai

ik chāñd hai āvāra-o-betāb o falak-tāb
ik chāñd hai āsūdgī-e-hijr kā maarā

hijr kā zulm hamārī qismat vasl kī daulat ġhair kā maal
zaḳhm kise aur marham kis ko dard kahāñ hai qarār kahāñ

hijr kā zulm hamārī qismat vasl kī daulat ġhair kā maal
zaḳhm kise aur marham kis ko dard kahāñ hai qarār kahāñ

ye raaz mujh pe sham.a ke anjām se khulā
kaTtī hai hijr-e-yār meñ kyūñkar tamām raat

ai ham-nafas na pūchh shab-e-hijr kā azaab
āñkhoñ meñ kāTnī paḌī akasr tamām raat

jo baat hijr kī aatī to apne dāman se
vo aañsū poñchhtā jaatā thā aur maiñ rotā thā

ġham-qirtās pe apne karb kī bāteñ likhte rahnā
hijr-kitāb ko paḌhte rahnā sharheñ likhte rahnā

sūrat hai vo aisī ki bhulā.ī nahīñ jaatī
rūdād-e-ġham-e-hijr sunā.ī nahīñ jaatī

mohabbat meñ visāl-o-hijr kī tam.īz kyā ma.anī
bisāt-e-ishq par bāzīcha-e-sūd-o-ziyāñ kyuuñ ho

jism ke phuul meñ ehsās kī ḳhushbū hai yaad
hijr kī raat meñ ummīd kā jugnū hai yaad