Tags-Hijr

nashāt-e-hijr ko terī kamī ko bhuul ga.e
tire ḳhayāl meñ Duube tujhī ko bhuul ga.e

vasl kī shab bhī maiñ na soyā aah
roz-e-hijr un ke ḳhauf kā maarā

shab-e-hijr guzrī hai kis tarah tumheñ kyā sunā.ūñ ye mājrā
maiñ ajal ke saa.e meñ thā khaḌā mirī sar pe maut khaḌī rahī

mahbūb tere hijr meñ kartā huuñ shā.irī
mujh ko kisī Thikāne lagāne kā shukriya

hai hijr to kabāb na khāne se kyā husūl
gar ishq hai to kyā hameñ mar jaanā chāhiye

hijr ke ban meñ hiran apnā bhī merā hī gayā
usrat-e-ram se bahar-hāl rihā.ī huī raat

vasl kā darkār haiñ kuchh hijr ke lamhāt bhī
vasl kī ḳhvāhish meñ shiddat yuuñ hī baḌhtī hai miyāñ

dekh kar tūl-e-shab-e-hijr duā kartā huuñ
vasl ke roz se bhī umr mirī kam ho jaa.e

vo kitāb-e-dil jise rabt thā tire kaif-e-hijr-o-visāl se
vo kitāb-e-dil to likhī ga.ī magar intisāb nahīñ rahā

hai ek hī lamha jo kahīñ vasl kahīñ hijr
taklīf kisī ke liye ārām kisī kā

har lamha-e-hijr ik sadī thā
pūchho na ki kab se jī rahā huuñ

kaisā visāl o hijr agar fahm hai 'nizām'
har haal meñ judā bhī hai vo aur baham bhī hai

maiñ us ke hijr meñ kyuuñ TuuT kar nahīñ royā
ye ik savāl bhī us kī taraf se hotā hai

ham hijr ke rastoñ kī havā dekh rahe haiñ
manzil se pare dasht-e-balā dekh rahe haiñ

isī ummīd par to jī rahe haiñ hijr ke maare
kabhī to ruḳh se uTThegī naqāb āhista āhista

kab yaad meñ terā saath nahīñ kab haat meñ terā haat nahīñ
sad-shukr ki apnī rātoñ meñ ab hijr kī koī raat nahīñ

ḳhauf sab jaatā rahā dil se azāb-e-hijr kā
naqd-e-jāñ denā gunāh-e-ishq kā kaffāra thā

īzā.eñ sub.h-e-hijr kī kahne bhī ham na paa.e
vo shaam hī se aaj sidhāre palañg par

toshak ke phuul ban ga.e añgāre hijr meñ
dahkā kī ek aag sī saare palañg par

hijr kī raat thī imkān-e-sahar se raushan
jaane ab us meñ vo imkān-e-sahar ho ki na ho