Tags-Hijr

hijr kī raat ye har Dūbte taare ne kahā
ham na kahte the na ā.eñge vo aa.e to nahīñ

jāgtā huuñ maiñ ek akelā duniyā sotī hai
kitnī vahshat hijr kī lambī raat meñ hotī hai

dil meñ vo shor na āñkhoñ meñ vo nam rahtā hai
ab tap-e-hijr tavaqqo se bhī kam rahtā hai

shaam se tā-sub.h-e-furqat sub.h se tā-shām-e-hijr
ham chale kyā kyā na lutf-e-zindagānī dekh kar

bañdh gayā terā tasavvur jis kī āñkhoñ ke huzūr
us ko bas aalam visāl-o-hijr kā yaksāñ huā

visāl-o-hijr meñ chhuptā hai dil kā haal kahīñ
bujhe to pyaas sivā ho jale to bū aa.e

vo sirf maiñ to nahīñ thā jo hijr meñ royā
vo kaifiyat jo mirī thī vahī tumhārī thī

mere hamdard haiñ nādāñ kitne
hijr kā dard baTāne aa.e

tire intizār meñ hai taab ye marīz-e-hijr hai jāñ-ba-lab
kahīñ aa bhī va.ada-ḳhilāf ab ki yahāñ to kaam tamām hai

phir ga.ī duur se dikhā ke jhalak
hijr meñ ai 'saḳhī' qazā hai shoḳh

mar gayā jo use kahte haiñ huā aaj visāl
jī rachā ziist se is hijr meñ mar dekheñ to

agar vahī thā to ruḳh pe vo be-ruḳhī kyā thī
zarā se hijr meñ ye inqalāb kyuuñ aayā

thā makān-e-dil kisī aur kā pa rahā basā koī dūsrā
maiñ kisī ke hijr meñ muztarib mujhe chāhtā koī dūsrā

har ishq ke manzar meñ thā ik hijr kā manzar
ik vasl kā manzar kisī manzar meñ nahīñ thā

thī lahza lahza hijr meñ ik marg-e-nau nasīb
har dam ḳhayāl-e-lab se tire ham jiyā kiye

hijr kī anjuman se har saa.at
ashk-e-be-tāb kī tarah guzrī

dil-e-īzā-talab le terā kahnā kar liyā maiñ ne
kisī ke hijr meñ jiinā gavārā kar liyā maiñ ne

ye ḳhvāhish-e-visāl hai yā hijr kā sulūk
chuTkī sī lī hai dard ne aa kar jigar ke biich

us se mil kar bhī ḳhalish dil meñ rahā kartī hai
vasl ko hijr se kyā chiiz judā kartī hai

le gayā vo saath apne husn saarā shaam kā
hijr kī tasvīr hai ab har nazāra shaam kā