Tags-Hijr

maiñ ek se kisī mausam meñ rah nahīñ saktā
kabhī visāl kabhī hijr se rihā.ī de

tumhāre hijr kā mausam hī raas aayā mujhe
yahī thā ek tabī.at-shanās āñkhoñ kā

sā.at-e-vasl jo dekhe the ḳhad-o-ḳhāl tire
hijr kī shab vahī tasvīr banāne meñ kaTī

hijr meñ jo ashk-e-chashm-e-tar girā
ik payām hāl-e-dil ban kar girā

savād-e-hijr meñ rakkhā huā diyā huuñ maiñ
tujhe ḳhabar nahīñ kis aag meñ jalā huuñ maiñ

tirā paañv shaam pe aa gayā thā ki chāñd thā
tirā hijr sub.h ko jal uThā thā ki phuul thā

hijr se hijrat talak har dukh se samjhautā kiyā
bhiiḌ meñ rah ke bhī maiñ ne ḳhud ko tanhā kar diyā

hijr kī shab nāla-e-dil vo sadā dene lage
sunñe vaale raat kaTne kī duā dene lage

tujh hijr siiñ huuñ jāñ-ba-lab ai yaar shifā-baḳhsh
jaldī se mire dard ke darmāñ kuuñ pahuñch tuuñ

koī aag lams kī pheñk de mire band band ke sāmne
chale film koī visāl kī dil-e-hijr-mañd ke sāmne

tire ishq meñ bhī mazā mile tire hijr meñ bhī mazā mile
rahūñ ġham meñ tere jo mubtalā unhīñ chāhatoñ se navāz de

rāteñ us ke hijr meñ ab bhī naza.a ke aalam meñ kaTtī haiñ
dil meñ vaisī hī vahshat hai tan meñ jaan abhī baaqī hai

hijr meñ dil ke hameñ dāġh-e-kuhan yaad nahīñ
muskurāte hue phūloñ kā chaman yaad nahīñ

hijr kī shab zulf-e-barham kā ḳhayāl aatā rahā
ik na ik har din mire sar par vabāl aatā rahā

jhilmilāne lagā jab 'yās' charāġh-e-saharī
phir to Thahrā na gayā hijr ke bīmāroñ se

dam-e-visāl nigāhoñ meñ hijr kā manzar
misāl-e-gardish-e-ā.īna

vo hijr kī raat kā sitāra vo ham-nafas ham-suḳhan hamārā
sadā rahe us kā naam pyārā sunā hai kal raat mar gayā vo

sar-e-bām-e-hijr diyā bujhā to ḳhabar huī
sar-e-shām koī judā huā to ḳhabar huī

yahī duniyā thī magar aaj bhī yuuñ lagtā hai
jaise kaaTī hoñ tire hijr kī rāteñ kahīñ aur

tū kitnā duur bhī hai kis qadar qarīb bhī hai
baḌā hai hijr kā sahrā-e-pur-sarāb bahut