Tags-Hijr

arsa-e-hijr-e-yār meñ 'irfāñ'
dard kī ġham-gusāriyāñ tauba

mirā qadam hī nahīñ hijr meñ bagūla-sifat
bichhaḌ ke mujh se tirā ġham bhī dar-ba-dar hai bahut

baazī hai jaan hijr hai haar aur visāl jiit
ġham hai bisāt-e-dil kuuñ mire nard boliye

zarā tujhe bhī to ehsās-e-hijr ho jānāñ
bas ek raat mere haal meñ guzār ke dekh

mirī aah ne ye kiyā asar ki vo aan kar hue jalva-gar
shab-e-tār-e-hijr huī sahar kashafuddujā-be-jamālehī

ġham-e-hijr ke ga.e din guzar huā āḳhir apnā visāl hī
pa ye kyā ġhazab hai pa.e-ḳhudā tujhe aaj tak hai malāl hī

maiñ savāl-e-vasl huuñ kar rahā vo ye kahtā hai ki na mānūñgā
ye ajab tarah kā hai maḳhmasa ki na hijr hai na visāl hī

hijr kī raat to karvaT meñ guzar jaatī hai
aur din bhī bahut āsān huā jaatā hai

kab mire chāñd ke aane señ ujālā hogā
hijr kī raat añdhārī hai ḳhudā ḳhair kare

baar tujh hijr kā bhārī hai ḳhudā ḳhair kare
rāt-din nāla-o-zārī hai ḳhudā ḳhair kare

hijr meñ aah us gul-e-tar ke
rañg-e-ruḳh za.afrān hai goyā

hijr ġham kā bayān hai goyā
yaas kī dāstān hai goyā

hijr kī shab haath meñ le kar charāġh-e-māhtāb
DhūñDhtā phirtā huuñ gardūñ par sahar miltī nahīñ

hijr meñ ġham-gusār mahram-e-rāz
dard-o-ġham ke sivā nahīñ hotā

saaz fariyād ke dil ne chheḌe na the hijr aur vasl ke ye bakheḌe na the
ham ne dāman ke baḳhiye udheḌe na the tum ne zulfoñ ko apnī sañvārā na thā

hijr kā ye karb saarā be-asar ho jā.egā
koī naġhma yaar kā jab chāragar ho jā.egā

sharīk-e-hāl huī thī jahāñ kahīñ duniyā
faqat vahīñ se tirā hijr-e-mo'atabar kam hai

lazzat chakhā ke dil ke ta.iiñ hijr o vasl kī
'hātim' se mil rahā hai aur ab tak milā nahīñ

baiThā rahtā hai jahāñ hijr kā tanhā aañsū
merī āñkhoñ kā kināra hai, ḳhudā jāntā hai

hijr kī rātoñ meñ ye misra.a huā vird-e-'sirāj'
din-ba-din ab lutf terā ham pe kam hone lagā