Tags-Hijr

camere meñ qaid kar tahrīr kī taklīf ko
hijr meñ likkhe ga.e ash.ār ko tasvīr kar

na qurb-e-gul kī taab thī na hijr-e-gul meñ chain thā
chaman chaman phire ham apnā āshiyāñ liye hue

nahīñ hai vasl magar ḳhvāb-e-vasl bhī hai bahut
zarā sī der ġham-e-hijr se farāġh to hai

maiñ apne aap ko bhī dekhne se qāsir huuñ
ye shām-e-hijr mujhe kyā dikhānā chāhtī hai

hijr bhī kam nahīñ hai dozaḳh se
is safar kā azaab aur hī hai

yūñhī ghuT ghuT ke marūñ hijr meñ kab tak un ke
maut vo merī bulāte haiñ chale jaate haiñ

kaisā firāq kaisī judā.ī kahāñ kā hijr
vo jā.egā agar to ḳhayāloñ meñ aa.egā

ghaḌī hijr kī kaash yā rab na aatī
qayāmat ke lail-o-nahār aate aate

na badal rahī haiñ ghaḌiyāñ na sitāre Dūbte haiñ
kahīñ thak ke so ga.ī hai shab-e-hijr kī sahar bhī

hijr kī jāñ-kanī tamām huī
dil huā 'jaun' be-amāñ chup rah

ab hijr ke sadme sahne ko patthar kā kaleja kaun kare
in lambī lambī rātoñ kā mar mar ke saverā kaun kare

ik vasl kī tadbīr hai ik hijr meñ jiinā
jo kaam ki karne haiñ vo dushvār bahut haiñ

maiñ thā ki jis ke vāste pāband ahd-e-hijr
vo aur ek hijr ke mīsāq meñ rahā

maḳhfī bhī thā visāl kā vo bāb-e-muḳhtasar
kuchh dil bhī mahv hijr ke asbāq meñ rahā

kabhī shām-e-hijr guzārte kabhī zulf-e-yār sañvārte
kaTī umr apnī qafas qafas tirī ḳhushbuoñ ko pukārte

hijr-e-jānāñ meñ apne ashkoñ se
kaun hai jo vuzū nahīñ kartā

mar jaate kyuuñ na sub.h ke hote hī hijr meñ
taklīf kaisī kaisī uThā.ī tamām shab

zindagī apnī guzrī hai dukh bāñTte, baaḌh kāñToñ kī har har qadam chhāñTte
hijr kī fasl palkoñ tale kāTte jo bhī koh-e-girāñ thā vo sar kar liyā

sabā ke bas meñ nahīñ ab payām-e-sub.h-e-visāl
dayār-e-hijr ke zindāniyo huā so huā

dasht-e-hastī meñ shab-e-ġham kī sahar karne ko
hijr vāloñ ne liyā raḳht-e-safar sannāTā