Tags-Hijr

sanam kī zulfāñ ko hijr meñ ab ga.e haiñ mujh nain haiñ ḳhvāb rāhat
lage hai kāñTā nazar meñ sonā kaTeñgī kaise ye kaalī ratiyāñ

jab kahā maiñ ne ki mar mar ke bache hijr meñ ham
hañs ke bole tumheñ jiinā thā to mar kyuuñ na ga.e

kar ke dekhūñgā kisī tarah lahū kī bārish
ātish-e-hijr bujhegī na agar paanī se

hijr ke phuul meñ vo chehra-e-zarrīñ dekhūñ
vasl ke ḳhvāb ko milne kā ishāra na kahūñ

ai ajal sirf lamha bhar ruk jā
phir ġham-e-hijr ne pukārā

ik sub.h bhalī sī mire nazdīk se guzrī
maiñ baiThā rahā hijr kī ik raat bichhā kar

ye rañj o aish hue hijr o vasl meñ ham ko
kahāñ hai dozaḳh o jannat kisī ko kyā ma.alūm

hijr hijrat malāl ġham āsār
zindagī kī naved ho ga.e kyā

kyā jaagā hai ye bhī hijr kī shab
zardī sī hai kyuuñ ruḳh-e-qamar par

vo kaif-e-hijr meñ ab ġhāliban sharīk nahīñ
ka.ī dinoñ se bahut be-mazā udāsī hai

hai dalne ko chhātī pe tirī muuñg ḳhat-e-sabz
gar zahr-e-ġham-e-hijr khilāyā to huā kyā

sidrat-ul-vasl ke saa.e kā talabgār huuñ maiñ
tapish-e-hijr meñ barsoñ se giraftār huuñ maiñ

hijr kī shab ye qayāmat hai kaTī ai 'tanvīr'
sub.h ho jaa.e karo aisī koī baat shurūa

vo sar-e-shām ga.e hijr kī hai raat shurūa
ashk jaarī haiñ huā mausam-e-barsāt shurūa

maiñ hī TuuT ke bikhrā aur na royā vo
ab ke hijr ke mausam kitne jhūTe the

hijr ke ġham ne mujhe maar diyā thā to kyā
mar ke jiinā bhī to sīkhā hai tirī yādoñ se

haañ tirā hijr kāTnā hai mujhe
shaal kaalī ḳharīd laa.ī huuñ

ik tahayyur sā tahayyur hai tilism-gāh-e-talab
hai fusūñ-ḳhez kahīñ us se sivā ishrat-e-hijr