Tags-Hijr

tumhārā hijr to aayā hai jaan ko jānāñ
karo nā vasl kī rut ko bhī zam mohabbat meñ

terī ruḳhsat ke samay ham ye khaḌe sochte haiñ
hālat-e-hijr to ruḳhsat nahīñ kī jā.egī

zohra gar aisā hī shām-e-hijr meñ hotā hai aab
partav-e-mahtāb sail-e-ḳhānumāñ ho jā.egā

hijr taqdīr meñ likkhā thā ki majbūrī thī
chhoḌ is baat se kyā milnā milānā mire dost

abhī to nā-mukammal nazm kā ik āḳhirī misra kitāb-e-hijr meñ tahrīr karnā hai
ḳhas-o-ḳhāshāk-e-ġham aslāf meñ taqsīm ho jaa.eñ to sar se bojh utre

maut aa.e ye duā achchhī nahīñ
hijr meñ bhī maut kyā achchhī nahīñ

sā.at-e-vasl to qaabū meñ nahīñ thī lekin
hijr kī shab kā bhī dīdār nahīñ kar paa.e

vasl kī saa.at tumhāre qurb se mujh par khulā
ik na ik din hijr kī mī.ād honā hai tumheñ

na mujh se pūchh shab-e-hijr dil pe kyā guzrī
ye dekh haal hai kyā mere ġham-gusāroñ kā

hijr ko jhelnā āsān kahāñ thā ai dil
ham mohabbat meñ bahāne kī taraf lauT aa.e

hai nashāt-e-vasl se sarshār aalam hī sabhī
ham magar is hijr meñ haiñ shādmāñ kuchh muḳhtalif

nasheb-e-hijr meñ din iḳhtitām karte hue
maiñ ḳhud meñ Dūbtā jaatā thā shaam karte hue

taare ginte raat kaTtī hī nahīñ aatī hai niiñd
dil ko taḌpātā hai hijr āñkhoñ ko tarsātī hai niiñd

kisī kā hijr muassar hai is qadar 'āfāq'
ki chāñd baam pe aane kī justujū karegā

dikhā.ī mujhe kis liye shām-e-hijr
shab-e-vasl kī kyuuñ sahar ho ga.ī

hijr ke mausam meñ bhī gulzār huuñ
ye ġhazab kī bāġhbānī dekhiye

va.ada kar ai dilkash laḌkī vasl se le kar hijr talak
rishta chāhe jaisā bhī ho ḳharcha apnā apnā hai

āḳhirī baar aayā thā milne koī
hijr mujh ko milā vasl kī shaam meñ

yaad aate hī ġhazal bantī hai merī 'bilqīs'
sā.at-e-hijr ko āzār na jaane koī

hijr meñ ashk-e-musalsal zāhidā
āshiqoñ kā sub.ha-e-sad-dāna hai