Tags-Holi

darvāzoñ par butoñ ke lagāyā kiye alaav
holī jalā.ī ham ne shivāloñ ke sāmne

ḳhushī manāte ho kahte ho mujh ko iid 'nishāt'
magar maiñ ḳhuun kī holī bhī huuñ jalāo mujhe

kyā na aa.egā kabhī dahr meñ parhalād kā daur
aag holī kī kisī roz banegī gulzār

hai ye ahbāb ko isrār ki holī khelūñ
toḌ duuñ aaj to maiñ zohd-o-taqaddus kā fusūñ

phir ġhaT ġhaT bhañg kā daur chalā phir dhuum machā.ī holī ne
phir Dhol bajā phir rañg uḌā phir dhuum machā.ī holī ne

hai rāg-rañg ruup nayā phir dhuum machā.ī holī ne
phir Dhol bajā phir rañg uḌā phir dhuum machā.ī holī ne

phir daftar-e-raqs-o-rañg khilā phir dhuum machā.ī holī ne
phir Dhol bajā phir rañg uḌā phir dhuum machā.ī holī ne

tā-thayyā kī lagtī hai sadā phir dhuum machā.ī holī ne
phir Dhol bajā rañg uḌā phir dhuum machā.ī holī ne

phir shor-e-noshā-nosh uThā phir dhuum machā.ī holī ne
phir Dhol bajā phir rañg uḌā phir dhuum machā.ī holī ne

naġhme kī rut naġhme kī fazā phir dhuum machā.ī holī ne
phir Dhol bajā phir rañg uḌā phir dhuum machā.ī holī ne

har chehra hai luthḌā luthḌā phir dhuum machā.ī holī ne
phir Dhol bajā phir rañg uḌā phir dhuum machā.ī holī ne

mausam hai na khāne-pīne kā phir dhuum machā.ī holī ne
phir Dhol bajā phir rañg uḌā phir dhuum machā.ī holī ne

ūdham sā hai galiyoñ meñ machā phir dhuum machā.ī holī ne
phir Dhol bajā phir rañg uḌā phir dhuum machā.ī holī ne

holī kī jaltī aag ke din
ye rañg ke din ye raag ke din

hamārī holī hai eid hai vo har ik ḳhushī kī umiid hai vo
vo paas aa.e to us se pūchheñ tū itne din se kahāñ thā pahle

ho ke sarshār bahut ishq se gaa.eñ holī
ik na.e rañg se apnoñ ko sunā.eñ holī

holī ke ab bahāne chhiḌkā hai rañg kis ne
nām-e-ḳhudā tujh uupar is aan ajab samāñ hai

sājhe tyauhār haiñ holī ho ki īd-e-qurbāñ
zindagī kitnī dil-āvez-o-dil-ārā hai yahāñ

holī kī 'nazīr' ab jo bahāreñ haiñ ahāhā
mahbūb rañgīloñ kī qatāreñ haiñ ahāhā

kuchh kāfir nain maTakte hoñ tab dekh bahāreñ holī kī