Tags-Hunar

tum ahl-e-harf ki pindār ke sanā-gar the
vo āsmān-e-hunar ke nujūm sāmne haiñ

ḳhudā ke fazl se ahl-e-hunar haiñ ahl-e-fan sab haiñ
magar DeḌh iiñT kī masjid banāne meñ magan sab haiñ

be-hunar haath chamakne lagā sūraj kī tarah
aaj ham kis se mile aaj kise chhū aa.e

zamāna meñ nahīñ ahl-e-hunar kā qadar-dāñ baaqī
nahīñ to saikḌoñ motī haiñ is dariyā ke dāman meñ

ajiib baat thī har sher pur-asar Thahrā
maiñ is kī bazm meñ kal raat bā-hunar Thahrā

is se baḌh kar koī in.ām-e-hunar kyā hai 'farāz'
apne hī ahd meñ ik shaḳhs fasāna ban jaa.e

fikr-e-ījād meñ huuñ khol nayā dar koī
kunj-e-gul bhej mirī shāḳh-e-hunar par koī

almās-o-la.al bik ga.e mutlaq ḳhazaf ke mol
ab ābrū-e-hikmat-e-sāhab-hunar ga.ī

ye jo raushnī hai kalām meñ ki baras rahī hai tamām meñ
mujhe sabr ne ye samar diyā mujhe zabt ne ye hunar diyā

hunar paidā kiyā hai maiñ ne hairat-āzmā.ī meñ
ki jauhar aa.ine kā har palak hai chashm-e-hairāñ kī

in dhundalkoñ kī har ik chaal to shātir hai magar
nuqra.ī naqsh mire dast-e-hunar meñ haiñ abhī

zindagī-bhar ek hī kār-e-hunar karte rahe
ik gharauñdā ret kā thā jis ko ghar karte rahe

agar is razm-gāh-e-dahr meñ jiinā hī hai mujh ko
to phir in yūrishoñ meñ zinda rahne kā hunar denā

zaḳhm kā naam phuul kaise paḌā
tere dast-e-hunar se pūchhte haiñ

us daur meñ aap aa.e the ai hazrat-e-'jāved'
jis ahd meñ kuchh farq na thā aib-o-hunar meñ

ye zīnateñ bhī ajab haiñ ye sādgī bhī ajab
riyā ke saare hunar jism par sajā rakhnā

bhaTak rahā thā jo asrār-e-fan kī vaadī meñ
uruuj de ke farāz-e-hunar pe Daal diyā

raqs-e-junūñ meñ bhī thā tarīq-e-hunar kā Dhab
sūfi-e-bā-safā thā koī yā malañg thā

safī' ko shā.irī aatī hai vo bhī kuchh yuuñ hī
use bas aur to koī hunar nahīñ aatā