Tags-Hunar

nām-o-numūd se mujhe aise gurez hai
jaise ye kār-e-ḳhair ho kār-e-hunar na ho

jazba-e-johd-e-musalsal hai binā-e-zindagī
ye gayā to saarā jiine kā hunar le jā.egā

maiñ āḳhirī thā jise sarfarāz honā thā
mire hunar meñ bhī kotāhiyāñ nikal aa.iiñ

shikasta satr chāhe rañg-o-bū-e-pairahan Thahre
kisī sūrat mujhe ijz-e-hunar achchhā nahīñ lagtā

ye jo raushnī hai kalām meñ ki baras rahī hai tamām meñ
mujhe sabr ne ye samar diyā mujhe zabt ne ye hunar diyā

mire jalvoñ kī pāmālī na dekhī jā.egī mujh se
hunar kuchh is tarah se rā.egāñ hai merī miTTī kā

ab koī hausla-afzā-e-hunar hai 'aḳhtar'
ab nazar aa.egī arbāb-e-hunar kī sūrat

pattharoñ ko aa.ine meñ qaid karne kā hunar
raah maiñ ne ye nikālī hai hazāroñ se alag

ahl-e-hunar ke baab meñ us kā bhī zikr ho
'fikrī' ko aisī baat pe isrār bhī nahīñ

koī rāhat milī na ahl-e-fan ko
ārām se be-hunar rahe haiñ

jaan se kaise jaayā jaatā hai
ye hunar kyā sikhāyā jaatā hai

ye raat hai ki harf-o-hunar kā ziyāñ-kada
iz.hār apne-āp meñ mohmal hue tamām

ye zindagī bhī ajab chiiz hai ḳhudā kī panāh
ise sambhāl ke rakhnā mire hunar meñ nahīñ

aur jiine kā kyā hunar rakhte
kam se kam haath to qalam na hue

maiñ bhī use khone kā hunar siikh na paayā
us ko bhī mujhe chhoḌ ke jaanā nahīñ aatā

jahāñ mata-e-hunar kī ḳharīd hotī thī
bahut dinoñ se vo bāzār sard hai yaaro

mire lahū ko mirī ḳhāk-e-nāguzīr ko dekh
yūñhī salīqa-e-arz-e-hunar nahīñ aayā

ham jo dīvāngī meñ kar guzre
aql vaale vo hunar kyā karte

sho.ala-e-mauj-e-talab ḳhūn-e-jigar se niklā
nā-rasā.ī meñ bhī kyā kaam hunar se niklā

hunar kī aag jalā.ī hai ḳhaak se us ne
kamāl us kā hī hai merī be-kamālī hai