Tags-Husn

suntā huuñ husn mā.il-e-mehr-o-vafā hai ab
ai iḳhtiyār-e-ishq vo majbūr to huā

vaadī meñ har-sū ugne lage pāniyoñ ke phuul
chashme pe koī husn-bharī aa nahā.ī thī

ai husn tire dar kī azmat hai nigāhoñ meñ
kab ishq ko aate the ādāb-e-jabīñ-sā.ī

ma.āz-allāh terā husn terī bazm-e-ishrat meñ
ye vo mahfil hai jis meñ sham.a ko parvāna kahte haiñ

vo nau-bahār-e-husn bhī is raah se gayā
har naqsh-e-pā ko rauza-e-rizvāñ kiye hue

shorish-e-ishq meñ hai husn barābar kā sharīk
soch kar jurm-e-tamannā kī sazā do ham ko

de use bhī faroġh-e-husn kī bhiik
dil bhī lag kar qatār meñ aayā

husn-e-anjām kā 'momin' mire baare hai ḳhayāl
yaanī kahtā hai vo kāfir ki tū maarā jaa.e

Dhal gayā ishq bhī ab husn ke sāñche meñ 'sahāb'
bāzī-e-zīst meñ yuuñ maat kahāñ thī pahle

aks ne dekh liyā husn ko ā.īne meñ
ishq meñ aisī karāmāt kahāñ thī pahle

ishq meñ aisī karāmāt kahāñ thī pahle
aap ke husn meñ ye baat kahāñ thī pahle

phir koī ishq hai vabāl-e-jāñ
le uḌī husn kī kamand tujhe

rañg-e-tasvīr-e-jahāñ ko tirā naqshā samjhā
zarre zarre ko maiñ ik husn-e-sarāpā samjhā

ishq sho.ala na husn shabnam hai
sab tilism-e-sarisht-e-ādam hai

vo husn aise hī ḳharch hotā rahā to sāhir
hamārī nazmoñ hamārī ġhazloñ kā kyā banegā

hargiz na aib-e-husn kahe kis ke muñh pe saaf
kar ā.īna mirā dil-e-raushan nigāh ho

ham gadāyān-e-vafā jānte haiñ ai dar-e-husn
umr bhar kār-e-nadāmat pe nadāmat karnā

ye husn-e-dil-fareb ye aalam shabāb kā
goyā chhalak rahā hai piyāla sharāb kā

ganj-e-husn us kā hai ruḳh aur maar zulf
ganj par kāloñ kā joḌā chāhiye

vo dil se tañg aa ke aaj mahfil meñ husn kī tamkanat kī ḳhātir
nazar bachānā bhī chāhte haiñ nazar milānā bhī chāhte haiñ